Ինչ անել ԱՊՊԱ պատահարի դեպքում
chevron_leftchevron_right
Հայաստանի ավտոապահովագրողների բյուրոյի կանոնների համաձայն գործում են ԱՊՊԱ պատահարների գրանցման հետևյալ եղանակները․
(1) Պարզեցված ընթացակարգ, երբ պատահարի հանգամանքները պարզ են և այն գրանցվում է վարորդների կողմից ինքնուրույն՝ առանց ոստիկանության և ապահովագրական ընկերության ներկայացուցչի ժամանման։
(2) Ստանդարտ ընթացակարգ, երբ պատահարի հանգամանքները վիճելի են կամ պատճառված վնասը մեծ է և այն գրանցվում է Պարեկային ծառայության ներկայացուցիչների կողմից։
chevron_leftchevron_right
Պարզեցված ընթացակարգով պատահարները վարորդների կողմից գրանցվում են ASWA հավելվածով կամ համաձայնեցված հայտարարագրի ձևաթղթով, եթե միաժամանակ առկա են հետևյալ պայմանները ՝
- Պատահարում ներգրավված են միայն 2 ավտոմեքենաներ
- Առնվազն մեկն ունի գործող ԱՊՊԱ պայմանագիր
- Վնաս պատճառվել է միայն մասնակից պատահարի ավտոմեքենաներին
- Վարորդներից մեկն ընդունում է իր մեղավորությունը
Aswa հավելվածով պատահարը գրանցելու դեպքում՝ Երևանում տեղի ունեցած պատահարի հատուցման առավելագույն չափը կազմում է՝ 400.000 ՀՀ դրամ, իսկ մարզերում տեղի ունեցած պատահարների դեպքում՝ 200․000 ՀՀ դրամ։ Ընդ որում Aswa հավելվածով գրանցելու դեպքում այն գեներացվում է ավտոմատ ու ապահովագրական ընկերությանը տեղեկացնելու ու դիմում գրելու անհրաժեշտություն չի առաջանում։
ASWA
Ներբեռնեք հետևյալ հղումներով
Ինչպե՞ս գրանցել ASWA հավելվածով
1
Ներբեռնե՛ք ASWA հավելվածը
Սեղմե՛ք գրանցել պատահարը և լրացրե՛ք հավելվածով պահանջվող տեղեկատվությունը
2
Լուսանկարահանե՛ք
- Ավտոմեքենաների փոխադարձ դիրքերը
- Յուրաքանչյուր ավտոմեքենայի վնասվածքները
- Ավտոմեքենաների պետհամարանիշերը, մակնիշները
3
Հաստատե՛ք
Հաստատե՛ք պատահարը և ազատե՛ք ճանապարհի երթևեկելի մասը
Համաձայնեցված հայտարարագրի ձևաթղթով պատահարը գրանցելու դեպքում՝ Երևանում և մարզերում տեղի ունեցած պատահարների հատուցման առավելագույն չափը կազմում է 100.000 ՀՀ դրամ։ Պատահարը տեղի ունենալու դեպքում այդ մասին 40 րոպեի ընթացքում պետք է տեղեկացնել ապահովագրական ընկերությանը, իսկ հետագայում նաև ներկայացնել ԱՊՊԱ հատուցման դիմում։ Համաձայնեցված հայտարարագրի ձևանմուշը կարող եք գտնել հետևյալ հղմամբ։
Ինչպե՞ս գրանցել ձևաթղթով
1
Զանգահարե՛ք
40 րոպեի ընթացքում մեղավոր վարորդի ապահովագրական ընկերությանը և տեղեկացրե՛ք պատահարի մասին
2
Լուսանկարահանե՛ք
- Ավտոմեքենաների փոխադարձ դիրքերը
- Յուրաքանչյուր ավտոմեքենայի վնասվածքները
- Ավտոմեքենաների պետհամարանիշերը, մակնիշները
3
Լրացրե՛ք
Ստորագրե՛ք համաձայնեցված հայտարարագիրը և ազատե՛ք ճանապարհի երթևեկելի մասը