ԱՐՄԵՆԻԱ ԻՆՇՈՒՐԱՆՍ ապահովագրական սահմանափակ պատասխանատվությամբ ընկերությունը Հայաստանի ապահովագրական շուկայի կայուն մասնակիցներից է՝ ավելի քան 20 տարվա հարուստ փորձառությամբ:

ԱՐՄԵՆԻԱ ԻՆՇՈՒՐԱՆՍ ապահովագրական ընկերությունը հիմնադրվել է 2004 թվականին՝ որպես ՌԱՍԿՈ ԱՍՊԸ, և նույն  տարում ստացել ոչ կյանքի ապահովագրության իրականացման լիցենզիա: 2008 թվականին վերագրանցվել և վերալիցենզավորվել է ՀՀ կենտրոնական բանկի կողմից, իսկ 2012 թվականին վերանվանվել է ԱՐՄԵՆԻԱ ԻՆՇՈՒՐԱՆՍ ԱՍՊԸ-ի:

ԱՐՄԵՆԻԱ ԻՆՇՈՒՐԱՆՍ ապահովագրական ընկերությունը ունի ոչ կյանքի ապահովագրության 15 դասերի գծով լիցենզիա: Մեր դիվերսիֆիկացված ապահովագրական պորտֆելը թույլ է տալիս առաջարկել ապահովագրական ծառայությունների լայն տեսականի՝ հարմարեցված մեր հաճախորդների տարբեր կարիքներին:

ԱՐՄԵՆԻԱ ԻՆՇՈՒՐԱՆՍ ապահովագրական ընկերության աշխատանքի բարձր որակը սերտիֆիկացված է միջազգային ISO 27001։2022 (Տեղեկատվության անվտանգության կառավարում) և ISO 9001:2015 (Որակի կառավարում) ստանդարտներին համապատասխան։

ԱՐՄԵՆԻԱ ԻՆՇՈՒՐԱՆՍ ապահովագրական ընկերությունն անդամակցում է Հայաստանի ապահովագրողների միությանը,  Հայաստանի ավտոապահովագրողների բյուրոյին և Գյուղատնտեսությունը ապահովագրողների ազգային գործակալությանը։