InsureTek Armenia 2026` ապահովագրական ոլորտի միջազգային հեղինակավոր կազմակերպության GAIP (Global Association of InsureTech Professionals) կողմից Հայաստանում անցկացվող անդրանիկ միջոցառումն է, որն իրագործվում է ՀՀ կենտրոնական բանկի և Հայաստանի ավտոապահովագրողների բյուրոյի բարձր հովանու ներքո։

InsureTek Armenia 2026 տեղի կունենա ս/թ հունիսի 4-ին Երևանում և նախատեսված է ապահովելու հարթակ, որտեղ ձևավորվում է իրական համագործակցություն՝ ապահովագրական ընկերությունների, ապահովագրական տեխնոլոգիաներ մշակողների, ապահովագրության ոլորտը կարգավորող մարմինների ղեկավարների, ներդրողների և մասնագետների համատեղ մասնակցության միջոցով։

Կարևորելով նման հարթակի կայացումը՝ Արմենիա Ինշուրանսը դարձել է InsureTek Armenia 2026-ի «Ոսկե հովանավորներից» մեկը։

InsureTek Armenia 2026 շրջանակներում ակնկալվում են բարձրաստիճան հյուրեր, շնորհանդեսներ, հանդիպումներ, ցուցահանդեսներ, ինչպես նաև Հայաստանի ապահովագրական ոլորտի առաջավոր փորձառության «Ոսկե Վահան» մրցանակաբաշխությունը։ Մանրամասնությունների համար տես միջոցառման կայքէջը։