ԱՐՄԵՆԻԱ ԻՆՇՈՒՐԱՆՍԻ համար Լոնդոնում կայացած այս տարվա Insurtech Insights կոնֆերանսին մասնակցելը աննախադեպ հնարավորություն էր ծանոթանալու ոլորտի զարգացման միտումներին, առավել առաջադիմական նորարարություններին, ուսումնասիրելու վարման նոր մոդելներ և տեխնոլոգիաներ և ամրապնդելու կապերը ոլորտի առաջատարների հետ։
«Կոնֆերանսին մասնակցելը կարևոր է մեր ընկերության միջազգային ճանաչելիության և կապերի ընդլայնման առումներով, իսկ դրա տասնյակ միջոցառումներից քաղած գաղափարները կարտացոլվեն մեր առաջիկա անելիքներում և նախաձեռնություններում», - ասել է ընկերության գործառնական գծով տնօրեն Վահրամ Պետրոսյանը։
Insurtech Insights-ը ապահովագրության ոլորտի ամենամեծ միջազգային հարթակներից է աշխարհում։ Նրա ամենամյա կոնֆերանսներն ապահովում են տեխնոլոգիական նորույթներին ծանոթանալու, թարմ գաղափարներ փոխանակելու և գործարար կապեր հաստատելու անգերագնահատելի հնարավորություններ։ Այս տարվա կոնֆերանսը միավորել է զարգացման և համագործակցության հնարավորություններ փնտրող 6000-ից ավել ապահովագրական ընկերությունների ներկայացուցիչներ, ապահովագրական տեխնոլոգիաների մատակարարներ և ներդրողներ ավելի քան 80 երկրից։