Սույն թվականի փետրվարի 16-ից սկսվել է գյուղատնտեսության
ապահովագրության վկայագրերի վաճառքը, որն իրականացվում է Գյուղատնտեսական ապահովագրողների
ազգային գործակալության (ԳԱԱԳ) անդամների հետ համատեղ՝ համաապահովագրության սկզբունքով։ ԱՐՄԵՆԻԱ ԻՆՇՈՒՐԱՆՍՆ անդամակցում է ԳԱԱԳ-ին 2025 թվականից։
Գյուղատնտեսական ապահովագրությունը նախատեսված
է Հայաստանի անհատ գյուղացիների ու գյուղատնտեսական ընկերությունների համար և վերջիններիս
ապահովագրավճարի 40-60%-ը ծածկվում է պետության կողմից։
Ապահովագրությունը հատուցում է կարկտահարության,
հրդեհի, երաշտի և գարնանային ցրտահարության պատճառով ապահովագրված այգիների, բանջարանոցների
և դաշտերի բերքին հասցված վնասները։ Ապահովագրությանը ենթակա է ծիրանի, դեղձի, խաղողի,
խնձորի, սալորի, բալի, կեռասի, հացահատիկի, կարտոֆիլի, ձմերուկի և սեխի բերքը։
Գյուղատնտեսական ապահովագրության պայմանների
մանրամասների համար այցելեք մեր պաշտոնական կայքի համապատասխան էջը կամ զանգահարեք՝
011 560404 հեռախոսահամարով։