Գյուղատնտեսության ապահովագրության շրջանակներում հատուցվում են հետևյալ ռիսկերի հետևանքով բերքին հասցված վնասը՝ ելնելով աճեցվող մշակաբույսի տեսակից և հողատարածքի գտնվելու վայրից.

·  Գարնանային ցրտահարություն

·  Կարկտահարություն

·  Հրդեհ

·  Երաշտ 

Վնասների հատուցումն իրականացվում է ըստ ռիսկի ու մշակաբույսի տեսակների և գտնվելու վայրի. 

Առավել մանրամասն տես ստորև Կանոններում («Կարևոր փաստաթղթեր» բաժնում)։

Գյուղատնտեսության ապահովագրության շրջանակներում հատուցման ենթակա չէ այն վնասը, որն առաջացել է․ 

·  մշակաբույսերի, դրանց մասերի հանկարծակի կոտրվածքների կամ վնասման հետևանքով, ներառյալ՝ փտումը, խոնավության կամ բորբոսի ի հայտ գալը 

·  ապահովագրված բերքի շուկայական արժեքի տատանման,  ֆինանսական ցանկացած կորստի և/կամ վնասի հետևանքով՝ եկամտի կորուստը, հարկերը, տուրքերը, տուգանքները, վարկային պարտավորությունները 

·  հալոցքի կամ հորդառատ անձրևների արդյունքում ստորգետնյա ջրերի հետևանքով 

·  ցանկացած տեսակի աղտոտման, քիմիական կամ այլ կենսաբանական նյութերի հետևանքով 

·  մշակաբույսերի հիվանդությունների, վնասատուների հետևանքով 

·  հրդեհի հետևանքով, որի պատճառ է հանդիսացել ապահովադրի կամ այլ անձի կողմից կրակ վառելը, ներառյալ՝ ապահովագրված բերքը ցրտահարությունից փրկելու նպատակով 

·  ապահովադրի կամ շահառուի դիտավորյալ գործողությունների հետևանքով

·  ապահովագրության պայմանագրում չնշված հողատարածքում տեղի ունեցած ապահովագրական պատահարի հետևանքով

·  ապահովագրության պայմանագրի կնքումից առաջ տեղի ունեցած ցանկացած իրադարձությունների և/կամ պատճառների արդյունքում, նույնիսկ եթե վնասը հայտնաբերվել է պայմանագրի գործողության ընթացքում։

Ապահովագրողը հատուցում չի վճարելու, եթե ապահովադիրը․ 

·  ապահովագրության պայմանագիր կնքելիս,  թաքցրել կամ կեղծ ու ոչ լիարժեք տեղեկություններ է ներկայացրել ապահովագրության օբյեկտի վերաբերյալ 

·  սահմանված ժամկետում և կարգով ապահովագրողին չի տեղեկացրել ապահովագրական պատահարի մասին։ 

Ապահովագրության ենթակա չեն․ 

·  հողատարածքները, որոնց ծառերը բերք չեն տվել պայմանագիր կնքելուն նախորդող երկու տարվա ընթացքում 

·  հողատարածքները, որտեղ վերջին երկու տարվա ընթացքում անընդմեջ տեղի է ունեցել կարկտահարություն, հրդեհ, գարնանային կամ ձմեռային ցրտահարություն, երաշտ, որոնց հետևանքով տեղի է ունեցել  կորուստ նվազագույնը 80%-ի չափով: 

Ավելի մանրամասն տես ստորև Կանոններում  («Կարևոր փաստաթղթեր» բաժնում)։

Գյուղատնտեսության ապահովագրության դեպքում ապահովագրավճարի մեծությունը սահմանվում է՝ ելնելով ապահովագրական սակագնից։ Վերջինս հաշվարկվում է՝ ելնելով հողատարածքի գտնվելու ռիսկային գոտու և հարաբերականության ցուցանիշներից՝ համաձայն ստորև Կանոնների Հավելված 2-ի և Հավելված 4-ի (տես՝ «Կարևոր փաստաթղթեր» բաժնում): 

Համակցված ռիսկերից ապահովագրություն ձեռք բերելու դեպքում տրամադրվում է 10 տոկոս զեղչ ապահովագրավճարից: 

Ապահովագրավճարն սուբսիդավորվող գումար է, ապահովադիրը պարտավոր է ապահովագրողին վճարել ապահովագրավճարի չսուբսիդավորվող մասը: Այսպես՝ ծիրանի և հացահատիկի դեպքում սուբսիդիան կազմում է 40%, իսկ մնացած մշակաբույսերի համար՝ 60%՝ անկախ ընտրված ռիսկերից։ 

Ավելի մանրամասն տես ստորև Կանոններում  («Կարևոր փաստաթղթեր» բաժնում)։

Գյուղատնտեսության ապահովագրության դեպքում ապահովագրական հատուցման առավելագույն չափը (ապահովագրական գումարը) սահմանվում է ելնելով ռիսկից և մշակաբույսի տեսակից: Այսպես՝

Առավել մանրամասն տես ստորև Կանոններում («Կարևոր փաստաթղթեր» բաժնում)։

Գյուղատնտեսության ապահովագրության պայմանագիր կնքելու համար անհրաժեշտ է՝ 

• Իրավաբանական անձ հանդիսացող ապահովադրի դեպքում՝ 

        ·  կազմակերպության տվյալները (պետական գրանցման, ՀՎՀՀ, ղեկավարի (լիազոր անձի), բանկային տվյալները) 

        ·  հողամասի տվյալները (սեփականության վկայականը կամ վարձակալության պայմանագիրը, կամ ՀՀ իրավասու մարմնի կողմից տրված շրջադարձային կոորդինատների գծով տեղեկանքը, կամ իրավական այլ փաստաթղթեր) 

• Ֆիզիկական անձ հանդիսացող ապահովադրի դեպքում՝ 

       ·  ապահովադրի անձը հաստատող փաստաթուղթը 

       ·  հողամասի տվյալները (սեփականության վկայականը կամ վարձակալության պայմանագիրը, կամ ՀՀ իրավասու մարմնի կողմից տրված շրջադարձային կոորդինատների գծով տեղեկանքը, կամ իրավական այլ փաստաթղթեր): 

Եթե Պայմանագրի կնքումից հետո պարզվել է, որ ապահովադիրը կեղծ կամ սխալ տեղեկություններ է հայտնել, ապա ապահովագրողն իրավունք ունի լուծել պայմանագիրը: 

Ավելի մանրամասն տես ստորև Կանոնները («Կարևոր փաստաթղթեր» բաժնում)։

Ապահովագրական պատահարի տեղի ունենալու դեպքում անհրաժեշտ է անհապաղ (սակայն ոչ ուշ քան ապահովագրական պատահարը տեղի ունենալուց հետո 2 օրվա ընթացքում), տեղեկացնել այդ մասին 8202 շուրջօրյա հեռախոսահամարով և հետևել մասնագետի հրահանգներին։ 

Մանրամասների համար տես ստորև Կանոնները («Կարևոր փաստաթղթեր» բաժնում)։

Ապահովագրված բերքի վնասման/կորստի դեպքում՝ իրականացվում է վնասի գնահատում։ Վնաս գնահատողը հողատարածք այցելությունից հետո 7 աշխատանքային օրվա ընթացքում կազմում և ապահովագրողին է ծանուցում վնասի գնահատման վերաբերյալ եզրակացությունը։ Այնուհետև ապահովագրողը 5 աշխատանքային օրվա ընթացքում կայացնում է որոշում հատուցում վճարելու կամ հատուցման վճարումը մերժելու մասին (ներկայացնելով անհրաժեշտ պատճառներն ու հիմքերը), որը 1 աշխատանքային օրվա ընթացքում ծանուցվում է ապահովադիրն։ 

Ապահովագրական հատուցումը վճարելու մասին որոշում կայացնելու դեպքում ապահովագրողը վճարում է հատուցման գումարը ապահովադրին՝ որոշման ծանուցումից հետո 3 աշխատանքային օրվա ընթացքում։ 

Առավել մանրամասն տես ստորև Կանոններում («Կարևոր փաստաթղթեր» բաժնում):

Ապահովագրողը կարող է վաղաժամկետ լուծել ապահովագրական պայմանագիրը. 

·  Իրավաբանական անձ հանդիսացող ապահովադրի լուծարման, ֆիզիկական անձ հանդիսացող ապահովադրի մահվան դեպքերում 

·  Ապահովադրի կողմից կեղծ, ակնհայտ սխալ տեղեկություններ ներկայացնելու դեպքում 

·  Ապահովադրի կողմից ապահովագրավճարի չվճարման դեպքում 

·  Ապահովադրի կողմից ապահովագրական Կանոնների խախտման դեպքում 

·  ՀՀ օրենսդրությամբ, Կանոններով (տես` «Կարևոր փաստաթղթեր» բաժնում) կամ պայմանագրով նախատեսված այլ դեպքերում։

Ապահովադիրն իրավունք ունի միակողմանիորեն լուծելու պայմանագիրը՝ այդ մասին ոչ պակաս, քան 15 օր առաջ ծանուցելով ապահովագրողին, եթե այլ ժամկետ նախատեսված չէ պայմանագրով: Ապահովադրի կողմից Պայմանագրից վաղաժամկետ հրաժարվելու դեպքում՝ վերջինիս վերադարձվում է իր կողմից վճարված ապահովագրավճարը պայմանագրի չլրացած ժամկետին համամասնորեն՝  նվազեցնելով այդ պահին վճարված կամ վճարման ենթակա ապահովագրական հատուցման չափով: Իսկ ապահովագրավճարը սուբսիդավորող համապատասխան պետական մարմնին տվյալ դեպքում վերադարձվում է պայմանագրով սահմանված ապահովագրավճարի սուբսիդավորված մասը՝ պայմանագրի չլրացած ժամկետին համամասնորեն: 

Առավել մանրամասն տես ստորև Կանոններում («Կարևոր փաստաթղթեր» բաժնում):