Ավիացիոն ապահովագրության շրջանակներում հատուցվում են`

· օդանավի կործանումը կան վնասումը` օդանավի թռիչքի, գետնավարման և կայանման (խարսխված լինելու) ընթացքում,

· ֆիզիկական անձանց կյանքին կամ առողջությանը և/կամ ֆիզիկական կամ իրավաբանական անձանց գույքին հասցրած վնասը` օդանավի շահագործման, ուղևորների, ուղեբեռի, բեռի և փոստի տեղափոխման կամ ավիացիոն աշխատանքներ կատարելու ընթացքում, իսկ օդանավը մեկ չվերթի համար ապահովագրելու դեպքում` օդանավակայանում շարժիչների միացման պահից մինչև կանգառի օդանավակայանում շարժիչների անջատման պահն ընկած ժամանակահատվածում,

· թռիչքային և ինժեներատեխնիկական անձնակազմերի կյանքին և առողջությանը հասցրած վնասը՝ օդանավի շահագործման ընթացքում: 

Պատահարը պետք է գրանցվի իրավասու մարմինների կողմից և ձևակերպվի փաստաթղթերով:

Առավել մանրամասն տես ստորև Կանոններում («Կարևոր փաստաթղթեր» բաժնում)։

Ավիացիոն ապահովագրության շրջանակներում չի հատուցվում օդանավի վնասը կամ կործանումը, կամ դրանից բխող պատասխանատվությունը հետևյալ դեպքերում՝

- Հետևյալ AVN* միջազգային կանոններով սահմանված դեպքերը՝

   · «Միջուկային ռիսկերի բացառում» - AVN 38B (բաժին բ)

   · «Ապահովագրության պայմանագրից ռազմական ռիսկերի, կողոպուտի ռիսկի և այլ վտանգների բացառում» – AVN 48B (բաժին 2)

   · «Ապահովագրության պայմանագրից ամսաթվերի էլեկտրական բացահայտման ռիսկերի բացառում» – AVN 2000 (բաժին 2)

- Շահագործման հետ կապված դեպքերը՝

   · ապօրինի կամ ապահովագրության պայմանագրում չնախատեսված նպատակներով օդանավի շահագործումը

   · օդանավի շահագործումը ապահովագրության պայմանագրում չնախատեսված աշխարհագրական վայրում, եթե դա պայմանավորված չէ անհաղթահարելի ուժի ազդեցությամբ

   · ապահովագրության պայմանագրում չնշված կամ ապահովագրության պայմանագրով նախատեսված որակավորումից ցածր որակավորում ունեցող անձի կողմից օդանավի շահագործումը, կամ չլիազորված կամ դրա իրավունքը չունեցող անձի կողմից գետնավարումը

   · ցանկացած տրանսպորտային միջոցով օդանավի տեղափոխումը, բացառությամբ ապահովագրական դեպքի հետևանքով առաջացած վնասվածքի դեպքում տեղափոխումը, և օդանավի քարշակելը հաստիքային սարքավորումներով օդանավակայանի տարածքում

   · թռիչքի կամ վայրէջքի համար այնպիսի տարածքի/ հրապարակի օգտագործումը, որը չի համապատասխանում տվյալ տեսակի օդանավի շահագործման պահանջներին, եթե դա պայմանավորված չէ անհաղթահարելի ուժի ազդեցությամբ

   · թռիչքի իրագործումը` գերազանցելով օդանավի բեռնման թույլատրելի նորմաները կապված ուղևորների քանակի կամ բեռի կշռի կամ չափսի հետ կամ կենտրոնացման խախտում

   · իրագործել օդանավի թռիչքը նախապես անսարք վիճակում, բացառությամբ այն դեպքերի, երբ նման թռիչքը իրագործվում է օդանավի թռիչքային շահագործման ղեկավարությանը համաձայն կամ հատուկ իրավասու մարմնի թույլտվությամբ, որի համար ապահովագրողը ներկայացրել է իր համաձայնությունը գրավոր ձևով

   · օդանավի կործանումը կամ վնասումը, կամ ապահովագրված անձի քաղաքացիական պատասխանատվության առաջացումը, կապված ապահովագրված անձի կամ իր ներկայացուցիչների կողմից իրագործված կողոպուտի կամ դիտավորյալ գործողությունների հետ

   · օդանավի կործանումը կամ վնասումը, կամ ապահովագրված անձի քաղաքացիական պատասխանատվության առաջացումը ապահովագրված անձի կամ իր ներկայացուցիչների միտումնավոր գործողությունների կամ նրանցից որևէ մեկի կողմից հաստատված ավիատրանսպորտային միջոցների շահագործման կամ հակահրդեհային անվտանգության կամ վառելիքի կամ պայթուցիկ նյութերի պահպանման կանոնների խախտումը և այլն:

Առավել մանրամասն տես ստորև Կանոններում («Կարևոր փաստաթղթեր» բաժնում)։

—————————————

* AVN - Aviation insurance clauses and endorsements issued by Lloyd's Aviation Underwriters' Association, Institute of London Underwriters, and other underwriters and companies.

Ավիացիոն ապահովագրությանն պայմանագիր կնքելու համար անհրաժեշտ է ԱՐՄԵՆԻԱ ԻՆՇՈՒՐԱՆՍԻՆ ներկայացնել՝

• գրավոր դիմում

• օդանավի նկատմամբ սեփականության կամ շահագործման (տիրապետման, օգտագործման) իրավունքը հավաստող փաստաթղթեր, օդանավի պետական գրանցման վկայագիր, օդանավի թռիչքային պիտանելիության վկայագիր կամ այլ դրանք փոխարինող փաստաթղթեր

• Ապահովադրի կողմից ուղևորների (ներառելով ուղեբեռը և անձնական իրերը) և բեռնատերերի հանդեպ ստանձնած պատասխանատվության չափը հաստատող փաստաթղթեր (ուղևորատոմսի բլանկներ, ուղեբեռի անդորրագրեր, պայմանագրեր, համաձայնագրեր)։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն, ինչպես նաև օդանավը Ապահովագրողի ներկայացուցչի կողմից զննելու հնարավորության ապահովում։

Ապահովագրական պատահարի առաջացման դեպքում անհրաժեշտ է՝

• սկսած այն օրից, երբ նրան հայտնի է դարձել պատահարի և դրա հետևանքով առաջացած վնասների մասին՝ 3 օրվա ընթացքում գրավոր տեղեկացնել այդ մասին ԱՐՄԵՆԻԱ ԻՆՇՈՒՐԱՆՍԻՆ

• անմիջապես միջոցներ ձեռնարկել պատահարի հետ կապված վնասների նվազեցման համար

• հայտնել ԱՐՄԵՆԻԱ ԻՆՇՈՒՐԱՆՍԻՆ պատահարի վերաբերյալ ամբողջ հետագա տեղեկությունները

• ձեռնարկել միջոցներ ապահովագրական պատահարի վերաբերյալ բոլոր անհրաժեշտ փաստաթղթերը հավաքագրելու և ԱՐՄԵՆԻԱ ԻՆՇՈՒՐԱՆՍԻՆ տրամադրելու համար։

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում անհրաժեշտ է դիմում ներկայացնել ԱՐՄԵՆԻԱ ԻՆՇՈՒՐԱՆՍԻՆ, որից հետո կորցրած տարբերակը կհամարվի անվավեր և ողջամիտ ժամկետում կտրամադրվի կրկնօրինակը։ 

Ապահովագրության պայմանագիրը կարող է վաղաժամկետ դադարեցվել կողմերի փոխադարձ համաձայնությամբ: Բացի այդ․

Ապահովագրողն իրավունք ունի վաղաժամ դադարեցնել  պայմանագիրը, եթե ապահովադիրը չի կատարել պայմանագրով, օրենսդրությամբ կամ Կանոններով սահմանված իր պարտականությունները, այդ մասին գրավոր տեղեկացնելով ապահովադրին՝ դադարեցման օրվանից ոչ ուշ քան 30 օր առաջ: Այդ դեպքում ապահովագրողը պարտավոր է վերադարձնել ապահովագրավճարը չլրացված ժամկետի համար` հանելով տվյալ ապահովագրության գծով իր կրած վնասները:

Ապահովադիրն իրավունք ունի վաղաժամ դադարեցնել պայմանագիրը՝ այդ մասին գրավոր տեղեկացնելով ապահովագրողին՝ դադարեցման օրվանից ոչ ուշ քան 30 օր առաջ: Այդ դեպքում ապահովադիրը պարտավոր է վճարել ապահովագրավճարը՝ պայմանագրի գործողության ժամկետի սկզբից մինչ պայմանագրի դադարեցման օրը, երկու օրը ներառյալ: Ապահովադրի կողմից պայմանագրից վաղաժամ հրաժարվելու դեպքում, ապահովագրողին վճարած ապահովագրավճարն ենթակա չէ վերադարձման, եթե պայմանագրով այլ բան նշված չէ: