---

Դժբախտ պատահարներից ապահովագրության շրջանակներում չեն հատուցվում՝

 

- տրավմատիկ վնասվածքները և մահը՝

   • որոնց պատճառ է հանդիսացել ապահովագրված անձի որևէ հիվանդությունը

   • որոնք հետևանք են սրտի կաթվածի, ուղեղի արյան շրջանառության խանգարման, ցանկացած հիվանդության արդյունքում ի հայտ եկած ուշաթափությունների

   • որոնք առաջացել են նյարդային խանգարումների արդյունքում։

 

- վնասվածքները կամ մահը, որոնք ի հայտ են եկել՝

   • անձի հակաօրինական գործողությունների արդյունքում

   • անձի կողմից միտումնավոր գործողությունների արդյունքում

   • ալկոհոլի, թմրանյութերի կամ թունավոր/հոգեմետ նյութերի ազդեցության տակ գտնվելու հետևանքով

   • տվյալ փոխադրամիջոցը վարելու իրավունք չունեցող անձի կողմից՝ այդ փոխադրամիջոցը վարելու հետևանքով

   • ինքնասպանության կամ ինքնասպանության փորձի հետևանքով,

   • անձի կողմից ինքն իրեն միտումնավոր մարմնական վնասվածք հասցնելու հետևանքով

   • քաղաքացիական անկարգություններին, պատերազմներին կամ ռազմական այլ գործողություններին անմիջական մասնակցություն ունենալու հետևանքով, եթե պայմանագրով այլ բան նախատեսված չէ

   • դժբախտ պատահարի հետևանքով առողջական խնդիրները չբուժելու, բժշկի խորհրդին չհետևելու կամ ոչ ամբողջությամբ հետևելու, ինչպես նաև առաջացած առողջական խնդիրների բուժումից հրաժարվելու կամ բուժումն ուշացնելու պատճառով առաջացած առողջական խնդիրները բարդացման, ինչպես նաև դրա հետևանքով նոր վնասվածքների առաջացումը

   • անձի կողմից իրեն վտանգի ենթարկելու (բացառությամբ ուրիշի կյանքը փրկելու) հետևանքով

   • օդային ճանապարհորդության հետևանքով՝ բացառությամբ այն դեպքի, երբ նա հանդիսանում է լիցենզավորված բազմաշարժիչային՝ առևտրային ինքնաթիռի ուղևոր, որը ղեկավարվում է արտոնագրված առևտրային ավիաընկերության կողմից՝ կամ պատկանում և ղեկավարվում է առևտրային ընկերության կողմից

   • պրոֆեսիոնալ սպորտով զբաղվելու, ցանկացած տեսակի սպորտով կանոնավոր զբաղվելու, մրցումներին կամ մրցավազքերին մասնակցելու արդյունքում

   • կյանքի, առողջության համար վտանգավոր հոբբիներով զբաղվելու արդյունքում

   • հղիության կամ դրա ընդհատման  արդյունքում հոգեկան կամ նյարդային խանգարումների պատճառով։

 

Առավել մանրամասն տես Կանոններում («Կարևոր փաստաթղթեր» բաժնում)։

Դժբախտ պատահարներից ապահովագրության դեպքում հատուցման առավելագույն չափը (ապահովագրական գումարը) սահմանվում է պայմանագրով՝ կողմերի համաձայնությամբ։ Այն կարող է սահմանվել՝

• ապահովագրված անձի հաշվով՝ մեկ ընդհանուր գումարի տեսքով

• ըստ վնասվածքի կամ ծախսի առանձին տեսակների՝ առանձին-առանձին գումարների տեսքով

• ապահովագրական պատահարի հաշվով՝ յուրաքանչյուր հատուցման դեպքի կամ վնասվածքի տեսակի համար սահմանված գումարների տեսքով։

Դժբախտ պատահարներից ապահովագրության պայմանագիր հնարավոր է կնքել՝

 

• այցելելով ԱՐՄԵՆԻԱ ԻՆՇՈՒՐԱՆՍԻ գլխամասային գրասենյակ` ք․Երևան, Դավիթ Անհաղթի 11/12 հասցեում, կամ ԱՐԴՇԻՆԲԱՆԿԻ համապատասխան մասնաճյուղերը (տես՝ «Հետադարձ կապ» էջը)

• դիմելով ՀՀ տարածքում գործող ԱՐՄԵՆԻԱ ԻՆՇՈՒՐԱՆՍԻ ապահովագրական գործակալներին (տես՝ «Գործակալներ» էջը)

• զանգահարելով 011 560404 կամ 012 560404 հեռախոսահամարներով

• էլեկտրոնային փոստի միջոցով՝ ուղարկելով հաղորդագրություն info@armeniainsurance.am էլ.հասցեին։

Դժբախտ պատահարներից ապահովագրության պայմանագիր կնքելու համար անհրաժեշտ է ԱՐՄԵՆԻԱ ԻՆՇՈՒՐԱՆՍԻՆ ներկայացնել դիմում, ինչպես նաև՝

• անձնագրի բնօրինակը կամ պատշաճ վավերացված պատճենը (իրավաբանական անձի դեպքում՝ պետական գրանցման վկայական)

• ապահովագրված անձի և շահառուի անձնագրերի բնօրինակները

• այլ փաստաթղթեր և տեղեկություններ, որոնք անհրաժեշտ են ապահովագրական ռիսկի ճշգրիտ գնահատման, ինչպես նաև պայմանագրի կնքման համար։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովադրի պահանջով ապահովագրության պայմանագրի վաղաժամկետ լուծման դեպքում ապահովագրողն ապահովադրին է վերադարձնում ապահովագրավճարներն` պայմանագրի չլրացած ժամկետին համամասնորեն, ինչպես նաև ապահովադրից գանձվում է տուգանք պայմանագրի չգործած օրերի համար հաշվարկված պայմանագրով սահմանված ապահովագրավճարի 20%-ի չափով՝ հետևյալ բանաձևով՝


եթե պայմանագրով այլ բան նախատեսված չէ: Եթե ապահովադրի պահանջները պայմանավորված են ապահովագրողի կողմից ապահովագրության պայմանների և Կանոնների խախտմամբ, ապա ապահովագրողն ապահովադրին է վերադարձնում ապահովագրավճարներն` պայմանագրի չլրացած ժամկետին համամասնորեն:

Ապահովագրողի պահանջով պայմանագրի վաղաժամկետ լուծման դեպքում ապահովադրին են վերադարձվում ապահովագրավճարներն` պայմանագրի չլրացած ժամկետին համամասնորեն, իսկ եթե ապահովագրողի պահանջները պայմանավորված են ապահովադրի կողմից պայմանագրի և Կանոնների խախտմամբ, ապա վերջինս ապահովադրին է վերադարձնում ապահովագրավճարներն` պայմանագրի չլրացած ժամկետին համամասնորեն, ինչպես նաև ապահովադրից գանձվում է տուգանք պայմանագրի չգործած օրերի համար հաշվարկված պայմանագրով սահմանված ապահովագրավճարի 20%-ի չափով՝ հետևյալ բանաձևով՝

(Պայմանագրով սահմանված ապահովագրավճար x 20%)/ Պայմանագրի գործողության օրեր x Պայմանագրի չլրացած օրեր

Պայմանագրի վաղաժամկետ լուծման դեպքում ապահովադրին չեն վերադարձվում ապահովագրավճարները, եթե ապահովադիրը տվյալ պայմանագրի գծով դիմել է ապահովագրական հատուցում ստանալու համար, բացառությամբ՝ այն դեպքերի, երբ ապահովագրական հատուցումը մերժվել է։