Անչափահասների ապահովագրության շրջանակներում հատուցվում են ապահովագրված անձի համար հանկարծակի, չկանխատեսված և նրա կողմից ոչ կանխամտածված (դժբախտ) պատահարի հետևանքով առաջացած հետևյալ վնասվածքները և վիճակները`

• տրավմատիկ վնասվածք

• կոտրվածք

• հոդախախտ

• սալջարդեր

• այրվածքներ (ներառյալ հրդեհի, պայթյունի, տաք կենցաղային տեխնիկայի և հեղուկների արդյունքում ստացված այրվածքներ)

• վերքեր

• էլեկտրահարություն

• ցրտահարություն

• գլխի վնասվածքներ, ուղեղի ցնցում

• սննդային և գազից թունավորումներ (բացառությամբ` դիտավորությամբ կատարված գործողությունների կամ մասնագիտական անփութության արդյունքում պահպանման ժամկետից դուրս սննդի օգտագործման, կամ ապահովագրված անձի օրգանիզմի առանձնահատկության պատճառով սննդի չընկալման դեպքերի)

• աչքի վնասվածք։

Առավել մանրամասն տես ստորև Կանոններում  («Կարևոր փաստաթղթեր» բաժնում)։

Անչափահասների ապահովագրության շրջանակներում հատուցման ենթակա չեն՝

• ցանկացած հիվանդություն և վիճակ, որը ապահովագրության կանոններում չի նախատեսված որպես հատուցման ենթակա

• հետազոտություններ, որոնց արդյունքում չեն հայտնաբերվել հատուցման ենթական վնասվածքներ ու վիճակներ

• բոլոր պատահարները, որոնք ի հայտ են եկել ապահովագրված անձի ցանկացած կարգի հաշմանդամ լինելու պատճառով, ինչպես նաև օնկոլոգիական հիվանդությունների արդյունքում

• բնածին անոմալիաներ, զարգացման արատներ, անատոմիական առանձնահատկություններ, ժառանգական և գենետիկ հիվանդություններ, էպիլեպսիա, դեֆորմացիաներ, քրոմոսոմային խանգարումներ, մանկական ուղեղային պարալիչ և նշվածների արդյունքում առաջացած վնասվածքներ

• ապահովագրության ժամկետի սկզբում առկա վնասվածքներ և դրանց բարդություններ

• բոլոր տեսակի ընդհանուր, քրոնիկ և սուր հիվանդություններ, դրանց արդյունքում առաջացած վնասվածքներ

• ալերգիաներ և դրանց հետևանքներ

• ողնաշարի միջողնային սկավառակների ախտահարումներ, դեգեներատիվ դիստրոֆիկ փոփոխություններ, ողնաշարի ճողվածքներ, օստեոպենիա, օստեոպորոզ, սկոլիոզ, կիֆոզ

• խոսքի շտկում

• կոսմետիկ, էսթետիկ կամ ապահովագրված անձի հոգեբանական վիճակը բարելավելու նպատակներով իրականացվող պլաստիկ և վերականգնողական վիրահատություններ

• ոչ ավանդական, այլընտրանքային (ոչ գիտական) բուժման ու ախտորոշման մեթոդներ, փորձարարական կամ հետազոտական մեթոդներով բուժում, կազդուրման ավանդական համակարգեր, հեռաբժշկության հետ կապված ծառայություններ, ֆիզիոթերապիա և վերականգնողական բուժում, սանատոր-առողջարանային բուժում

• ուլտրամանուշակագույն ճառագայթների արդյունքում առաջացած արևահարումներ ու արևայրուքներ

• տեսողության սրության վիրահատական շտկում, ակնաբուժական վիրահատություններ՝ բացառությամբ դժբախտ պատահարի արդյունքում աչքի վնասվածքների

• օրգանների և վերջույթների պրոթեզավորում, էնդոպրոթեզավորում, բժշկական սարքավորումներ, իմպլանտներ, լսողական սարքերի ձեռքբերում, ինչպես նաև այլ կարգավորիչ բժշկական հարմարանքներ ձեռք բերելու համար կատարված ծախսեր, հաշմանդամային սայլակներ, օրթոպեդիկ սարքեր և այլն, կենսաակտիվ հավելումներ, վիտամինաթերապիա, կոսմետիկ պարագաներ, սրտի արհեստական ռիթմավարներ, կարդիովերտեր-դեֆիբրիլյատորներ

• հոգեկան հիվանդություններ, դրանց հետևանքներ և սահմանային վիճակներ, հոգեթերապևտի ծառայություններ, հիպնոս, ինչպես նաև դրանց արդյունքում առաջացած վնասվածքներ ու վիճակներ

• բժշկի նշանակումներին չհետևելու կամ դրանցից հրաժարվելու հետևանքով առաջացած ծախսեր, առանց բժշկի ցուցումի և նշանակման իրականացված բուժման ծախսեր, ծառայություններ, դեղորայք, հոսպիտալացում

• ապահովագրված անձի կողմից ինք իրեն վտանգի ենթարկում

• ՀՀ դեղագործական վարչության կողմից չարտոնագրված դեղորայք

• համաճարակներ, վիրուսային և ինֆեկցիոն հիվանդություններ

• շահառուի միտումնավոր գործողության կամ հանցագործության հետևանքով առաջացած վնասվածքներ և վիճակներ

• մանկապարտեզի և դպրոցի տարածքից դուրս գտնվող կարուսելների և մետաղական սղարանների վրա ստացված վնասվածքներ

• ֆորս-մաժորի հետևանքով առաջացած վնասվածքներ։

Առավել մանրամասն տես ստորև Կանոններում  («Կարևոր փաստաթղթեր» բաժնում)։

Անչափահասների ապահովագրության դեպքում ապահովագրավճարը հաշվարկվում է ԱՐՄԵՆԻԱ ԻՆՇՈՒՐԱՆՍԻ կողմից սահմանված ապահովագրական սակագնի (տես՝ ստորև «Կարևոր փաստաթղթեր» բաժնում) հիման վրա, որը կախված է՝

• ապահովադրի կողմից ընտրված ծածկույթից

• չհատուցվող գումարի տեսակից ու մեծությունից

• պայմանագրի գործողության ժամկետից

• ապահովագրական ռիսկի վրա ազդող այլ գործոններից։

Անչափահասների ապահովագրության դեպքում հատուցման առավելագույն չափը (ապահովագրական գումարը) սահմանվում է պայմանագրով՝ կողմերի համաձայնությամբ։

Անչափահասների ապահովագրության պայմանագիր կնքելու համար անհրաժեշտ է ԱՐՄԵՆԻԱ ԻՆՇՈՒՐԱՆՍ ներկայացնել գրավոր կամ բանավոր հայտարարություն, ինչպես նաև ապահովագրական ռիսկի հետ առնչվող փաստաթղթեր՝ ըստ պահանջի։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովագրական պատահար տեղի ունենալու դեպքում անհրաժեշտ է՝ պայմանագրով սահմանված ժամկետներում, բայց ցանկացած դեպքում 3 օրից ոչ ուշ, հայտնել պատահարի մասին ԱՐՄԵՆԻԱ ԻՆՇՈՒՐԱՆՍԻՆ`

• զանգահարելով 011 560404 կամ 012 560404 շուրջօրյա գործող հեռախոսահամարներով և հետևել մասնագետի հրահանգներին։

Ապահովագրական պատահարից հետո 2-ամսյա ժամկետում պետք է ներկայացնել գրավոր դիմում (տես ձևը՝ ստորև «Կարևոր փաստաթղթեր» բաժնում) և հատուցման համար անհրաժեշտ փաստաթղթերը․

• բժշկական հիմնավորում` բժշկական տեղեկանք (բժշկական կենտրոնի կնիքով), խորհրդատվական եզրակացություն (բժշկական կենտրոնի կնիքով), կամ քաղվածք ամբուլատոր քարտից (բժշկական կենտրոնի կնիքով), կամ էպիկրիզ (բժշկական կենտրոնի կնիքով), պարակլինիկական հետազոտությունների պատասխաններ (անհրաժեշտության դեպքում)

• վնասի չափը հաստատող փաստաթղթեր, եթե ծախսն իրականացվել է ինքնուրույն` հաշիվ-պահանջագիր, կամ դրամարկղային ֆիսկալային կտրոն կամ դրամարկղի մուտքի օրդեր կամ ՀԴՄ կտրոն համապատասխան հաշիվ-ապրանքագրով, բուժհաստատության կողմից տրված տեղեկանք, որը հավաստում է բժշկական ծախսի չափը, իսկ եթե պատահարը տեղի է ունեցել երրորդ անձանց մեղքով՝ պատահարի վերաբերյալ համապատասխան լիազոր մարմնի եզրակացությունը

• պայմանագրի բնօրինակ։

Ապահովագրական ընկերությունը իրավունք ունի պահանջել բժշկական փորձաքննության անցկացում իր հաշվին։ 

Ավելի մանրամասն տես ստորև Կանոններում  («Կարևոր փաստաթղթեր» բաժնում)։