ԿԱՍԿՈ շրջանակներում հատուցվում է ապահովագրված տրանսպորտային միջոցի (դրա լրացուցիչ սարքավորման)՝ իրավասու պետական մարմինների կողմից տրված փաստաթղթերով կամ ԱՐՄԵՆԻԱ ԻՆՇՈՒՐԱՆՍԻ կողմից հաստատված գողությունը, ֆիզիկական վնասը, որը հետևանք է՝

• մեկ այլ տրանսպորտային միջոցի հետ բախվելու

• հրդեհի

• բնական աղետների (բացառությամբ՝ երկրաշարժի)

• մեկ այլ շարժվող կամ անշարժ առարկայի հետ բախվելու 

• թռչող կամ ընկնող առարկաների՝ անիվների տակից մանրախճի, քարերի կամ այլ կոշտ գոյացությունների, քամու հետևանքով ծառերի, ճյուղերի, տանիքների և այլ իրերի, այդ թվում` ձյան և սառույցի ընկնելու

• սահքի, շրջվելու կամ բարձրությունից ընկնելու

• տրանսպորտային միջոցի և դրա մասերի հափշտակման, գողության, կամ այդպիսի փորձի 

• երրորդ անձանց անօրինական գործողությունների հետևանքով վնասի հասցման։ 

Առավել մանրամասն տես Կանոններում («Կարևոր փաստաթղթեր» բաժնում)։

ԿԱՍԿՈ շրջանակներում չեն հատուցվում (եթե այլ բան նախատեսված չէ պայմանագրով)՝

• անվադողերի, անվադողերի անվահեծերի, անվահեծերի դեկորատիվ ծածկոցների, պահեստային անվադողի պահախցիկի, պահեստային անվադողի ծածկոցի վնասումը, ինչպես նաև ճանապարհային ծածկույթի կողմից անվադողերին հասցված վնասը, բացառությամբ՝ այլ տրանսպորտային միջոցի հետ բախման արդյունքում առաջացած վնասը

• ներկածածկի կետային վնասվածքները, բացառությամբ՝ կարկուտի հետևանքով առաջացած վնասների

• հայելիների, ավտոմագնիտոլայի կամ հարակից սարքավորումների (մոնիտոր, աուդիո և վիդեո սարքավորումներ և այլն), անվադողերի, անվահեծերի դեկորատիվ ծածկոցների, պահեստային անվադողի պահախցիկի, պահեստային անվադողի ծածկոցի հափշտակումը

• տրանսպորտային միջոցի գողությունը` դրանում թողնված վառոցքի բանալիով, բացառությամբ՝ ավազակության արդյունքում հափշտակության դեպքի 

• տրանսպորտային միջոցի և/կամ լրացուցիչ սարքավորման մասերի կորուստը, եթե դրանք գտնվում էին տրանսպորտային միջոցից դուրս

• հաշվառման համարանիշի կորուստը, գողությունը կամ վնասումը

• բանալիների կորուստը

• էլեկտրասարքերի, մեխանիկական հանգույցների, այդ թվում` էլեկտրահաղորդալարերի անսարքությունը, այլ մասերի, հանգույցների և ագրեգատների կոտրումը, խափանումը, շարքից դուրս գալը, եթե վերջիններս ուղղակի հետևանք չեն ապահովագրական պատահարի 

• ապահովադրի կողմից վարձակալության, վարձույթի կամ լիզինգի հանձնված տրանսպորտային միջոցի չվերադարձնելը

• լրացուցիչ սարքավորման (ավտոռադիոմագնիտոլա և հարակից սարքավորումներ (մոնիտոր, աուդիո և վիդեո սարքավորումներ), ավտոհամակարգիչ, կապի միջոց, գազի բալոն կամ այլ օժանդակ սարքավորում)) ֆիզիկական վնասը, հրդեհը կամ գողությունը, եթե դրանց ապահովագրությունն առանձին նախատեսված չէ պայմանագրում

• դետալների, հանգույցների վերանորոգումը կամ նորով փոխարինումը, որոնք վնասված, ջարդված են եղել մինչև պատահարի տեղի ունենալը 

• կրակի հետ անզգույշ վարվելու, կրակի բաց օջախի, այդ թվում՝ ծխելու, հետևանքով մասերի վնասումը

• վնասները, որոնք առաջացել են վարորդի կողմից ճանապարհային երթևեկության կանոնների և «Ճանապարհային երթևեկության անվտանգության ապահովման մասին» ՀՀ օրենքի պահանջներին հակասող գործողության արդյունքում հանդիպակաց երթևեկության կողմում և վերջինիս սահմանակից տարածքներում հայտնվելու հետևանքով 

• վնասները, որոնք առաջացել են լուսացույցի արգելող ազդանշանի տակ մուտք գործելու հետևանքով

• վնասները, որոնք առաջացել են հակահրդեհային անվտանգության և վտանգավոր իրերի և նյութերի պահպանման ու տեղափոխման կանոնների խախտման դեպքում

• գործարանային խոտանը կամ նորոգման ժամանակ կատարված խոտանը

• շահագործման արդյունքում բնական մաշվածությունը

• վնասները, որոնք առաջացել են ՀՀ օրենսդրությամբ, նորմատիվ իրավական ակտերով սահմանված տրանսպորտի տեխնիկական շահագործման և անվտանգության պայմանների, կանոնների կամ կարգերի խախտման

• եթե ապահովադիրը (լիազորված վարորդը) պատահար տեղի ունենալու դեպքում անհապաղ՝ առաջին իսկ հնարավորության դեպքում այդ մասին չի տեղեկացրել համապատասխան իրավասու մարմիններին (ոստիկանություն, հրշեջ ծառայություն և այլն) 

• եթե ապահովադիրը (լիազորված վարորդը) սահմանված կարգով և ժամկետներում չի տեղեկացրել ԱՐՄԵՆԻԱ ԻՆՇՈՒՐԱՆՍԻՆ տեղի ունեցած պատահարի մասին 

• եթե տրանսպորտային միջոցը շահագործվել է պայմանագրում որպես լիազորված վարորդ չնշված անձի կողմից

• եթե ապահովադիրը (լիազորված վարորդը) վարել է տրանսպորտային միջոցն առանց այդպիսի միջոց վարելու իրավունքի

• եթե ապահովադիրը (լիազորված վարորդը) վարել է ալկոհոլի, թմրանյութերի կամ հոգեմետ նյութերի ազդեցության ներքո և/կամ խուսափել է ալկոհոլի, թմրանյութերի կամ այլ հոգեմետ նյութերի օգտագործման փաստի վերաբերյալ քննություն անցնելուց

• եթե վարորդն առանց հիմնավոր պատճառի լքել է ՃՏՊ վայրը և/կամ պատահարի վայրից ինքնակամ՝ առանց անհրաժեշտության, տեղաշարժել է տրանսպորտային միջոցը

• եթե պատահարն առաջացել է ապահովադրի, ապահովագրված անձի, լիազորված վարորդի, կամ ուղևորների դիտավորյալ գործողությունների արդյունքում

• եթե պատահարը տեղի է ունեցել Ապահովագրության պայմանագրում նշված ապահովագրության տարածքից դուրս 

• եթե ապահովագրված տրանսպորտային միջոցն օգտագործվել է մրցույթներում, փորձարկումներում, ուսումնական նկատառումներով, տրամադրվել է վարձակալության, օգտագործվել է ուղևորներ և/կամ բեռներ տեղափոխելու նպատակով որոշակի վճարի դիմաց՝ առանց այդ մասին գրավոր տեղեկացնելու ԱՐՄԵՆԻԱ ԻՆՇՈՒՐԱՆՍԻՆ՝ պայմանագիրը կնքելու պահին 

• եթե սահմանված ժամկետում տրանսպորտային միջոցը չի ներկայացրել փորձաքննության և/կամ ԱՐՄԵՆԻԱ ԻՆՇՈՒՐԱՆՍԻՆ հնարավորություն չի ընձեռվել անցկացնելու փորձաքննություն, և/կամ վնասված տրանսպորտային միջոցի վրա կատարվել են կառուցվածքային փոփոխություններ (փոխել, վերանորոգել է վնասված հանգույցները և դետալները առանց ԱՐՄԵՆԻԱ ԻՆՇՈՒՐԱՆՍԻ հետ համաձայնեցնելու) 

• եթե ապահովադիրը (լիազորված վարորդը) չի ներկայացրել ԱՐՄԵՆԻԱ ԻՆՇՈՒՐԱՆՍԻՆ անհրաժեշտ փաստաթղթեր` հատուցում կատարելու մասին որոշում կայացնելու համար կամ ներկայացրել է կեղծ փաստաթղթեր, որոնք հակասում են ներկայացրած հայտային գրավոր դիմումին 

• եթե ապահովադիրը (լիազորված վարորդը) հայտնել է ԱՐՄԵՆԻԱ ԻՆՇՈՒՐԱՆՍԻՆ կամ պատահարի հանգամանքները պարզող իրավասու մարմնին պատահարի իրական հանգամանքներին ակնհայտ չհամապատասխանող, անարժանահավատ կամ կեղծ տեղեկություններ և/կամ օգտագործել կեղծ միջոցներ` հատուցում ստանալու համար

• եթե տրանսպորտային միջոցը շահագործվել է անսարք վիճակում, ունեցել թերություններ, որոնց պատճառով տեղի է ունեցել պատահարը 

• եթե պատահարը տեղի է ունեցել միջուկային պայթյունի, ճառագայթման կամ ռադիոակտիվ վարակման ուղղակի կամ անուղղակի ազդեցության հետևանքով

• եթե պատահարը տեղի է ունեցել ռազմական գործողությունների, զորաշարժերի կամ այլ ռազմական միջոցառումների հետևանքով 

• եթե պատահարը տեղի է ունեցել քաղաքացիական պատերազմի, ցանկացած տիպի ժողովրդական հուզումների, ահաբեկչական գործողությունների, գործադուլների հետևանքով 

• եթե պատահարը տեղի է ունեցել այն գոտիներում, որտեղ պաշտոնապես հայտարարված է արտակարգ իրավիճակ 

• եթե պատահարը տեղի է ունեցել պետական մարմինների կարգադրությամբ տրանսպորտային միջոցի առգրավման, բռնագրավման, ռեկվիզիցիայի, դրա վրա արգելանք դնելու, ոչնչացման կամ վնասման հետևանքով 

• եթե գրանցման փաստաթղթերի (տեխնիկական անձնագիր, գրանցման վկայական) բնօրինակները և/կամ բանալիների, քարտերի, տրանսպորտային միջոցում տեղադրված հակաառևանգման բոլոր էլեկտրոնային և էլեկտրամեխանիկական համակարգերի ակտիվ և պասիվ ակտիվատորների, մեխանիկական հակաառևանգման սարքերի բոլոր բանալիների լրիվ կոմպլեկտները մնացել են գողացված տրանսպորտային միջոցում

• եթե վերանորոգումից հետո տեղի է ունեցել տրանսպորտային միջոցի ապրանքային, շուկայական արժեքի կորուստ կամ նվազում

• վնասները, որոնք առաջացել են շահագործման արդյունքում դետալների, հանգույցների կամ ագրեգատների կոտրվելու, փչանալու, շարքից դուրս գալու հետևանքով

• բարոյական վնասը, բաց թողնված օգուտը, պարապուրդը, եկամտի կորուստը, այլ անուղղակի և առևտրային կորուստները, վնասները և ծախսերը

• եթե պայմանագրի կնքման կամ գործողության ընթացքում ապահովադրի կողմից ԱՐՄԵՆԻԱ ԻՆՇՈՒՐԱՆՍԻՆ հայտնվել են կեղծ տեղեկություններ

• եթե ապահովադիրը (շահառուն) չի կատարել ապահովագրական հատուցում ստանալու համար պահանջվող փաստաթղթերի ներկայացման պարտականությունները, ինչի արդյունքում ԱՐՄԵՆԻԱ ԻՆՇՈՒՐԱՆՍԸ զրկվել է պատահարի փաստը, պատճառները, հանգամանքները և/կամ վնասների չափը, ապահովագրական պատահարի պատճառը պարզելու հնարավորությունից

• եթե ապահովադիրը (շահառուն) խոչընդոտել է փորձագետների և համապատասխան լիազորված պետական մարմինների աշխատանքներին, ինչը հանգեցրել է պատահարի փաստը և/կամ վնասի չափը հաստատելու անհնարինությանը

• եթե ապահովադրի (շահառուի, լիազորված վարորդի) կողմից իրականացվել է միտումնավոր գործողություններ, որոնք ուղղված են եղել կամ նպաստել են ապահովագրական պատահարի տեղի ունենալուն

• եթե ապահովադիրը (շահառուն, լիազորված վարորդը) կեղծել է վնասի ծագման հանգամանքների կամ նրա չափերի վերաբերյալ փաստաթղթերը

• եթե ապահովադիրը (շահառուն) հրաժարվել է վնասի համար պատասխանատու անձի նկատմամբ պահանջի իրավունքից կամ այդ իրավունքն իրականացնելն անհնարին է դարձել ապահովագրողի (շահառուի) մեղքով

• օրենքով և պայմանագրով նախատեսված այլ դեպքերը։

Առավել մանրամասն տես Կանոններում («Կարևոր փաստաթղթեր» բաժնում)։

ԿԱՍԿՈ ապահովագրավճարը հաշվարկվում է հետևյալ բանաձևով՝

Ապահովագրավճար = Ապահովագրական գումար x Ապահովագրական սակագին

Որտեղ՝ ապահովագրական սակագինը որոշվում է՝ ելնելով տրանսպորտային միջոցի շուկայական արժեքից, մակնիշից, մոդելից, արտադրման տարեթվից, վարորդի վթարների պատմությունից, տարիքային խմբից և ռիսկի վրա ազդող այլ գործոններից։

ԿԱՍԿՈ պայմանագիր կնքելու համար անհրաժեշտ են՝

• վարորդների անձնագրերն ու վարորդական վկայականները։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովագրական պատահար տեղի ունենալու դեպքում անհապաղ հայտնել այդ մասին ԱՐՄԵՆԻԱ ԻՆՇՈՒՐԱՆՍԻՆ` զանգահարելով 011 560404 կամ 012 560404 հեռախոսահամարով և հետևել մասնագետի հրահանգներին։

• պատահարի դեպքում տրանսպորտային միջոցը չտեղաշարժել և սպասել մեր մասնագետի ցուցումներին

• ըստ ցուցումների՝ հնարավոր է առաջանա ՃՈ կամ ԱԻՆ ներկայացուցիչներ հրավիրելու անհրաժեշտություն։

Ապահովագրական պատահարից հետո 3 ամսվա ընթացքում ներկայացնել դիմում (տես ձևը ստորև «Կարևոր փաստաթղթեր» բաժնում) և անհրաժեշտ փաստաթղթերը:  Ապահովագրական հատուցումը վճարվում է դիմումը և բոլոր փաստաթղթերը ստանալուց հետո՝ առավելագույնը 10 աշխատանքային օրվա ընթացքում:

ԿԱՍԿՈ պայմանագրի շրջանակներում ապահովագրական հատուցումը իրականացվում է՝

• դրամական փոխհատուցմամբ

• տրանսպորտային միջոցի վերանորոգմամբ։

Առավել մանրամասն տես Կանոններում (ստորև «Կարևոր փաստաթղթեր» բաժնում)։