Գազաբալոնի ապահովագրության շրջանակներում հատուցում չի տրվում՝
• եթե ապահովադիրը չի կատարել Կանոններով (տես ստորև «Կարևոր փաստաթղթեր» բաժնում) սահմանված իր պարտականությունները
• եթե ապահովադիրը (լիազորված վարորդը) պատահար տեղի ունենալու դեպքում 6 ժամվա ընթացքում այդ մասին չի տեղեկացրել համապատասխան իրավասու մարմիններին (ոստիկանություն, ՃՈ, հրշեջ ծառայությունը և այլն)
• եթե ապահովադիրը (լիազորված վարորդը) սահմանված կարգով և ժամկետներում տեղի ունեցած պատահարի մասին չի տեղեկացրել ԱՐՄԵՆԻԱ ԻՆՇՈՒՐԱՆՍԻՆ
• եթե տրանսպորտային միջոցը շահագործվել է պայմանագրում որպես լիազորված վարորդ չնշված անձի կողմից կամ շահագործվել է Վարչական իրավախախտումների մասին ՀՀ օրենսգրքի 128 հոդվածի պահանջների խախտումով
• եթե ապահովադիրը (լիազորված վարորդը) տրանսպորտային միջոցը վարելիս գտնվել է ալկոհոլի, թմրանյութերի կամ տոքսիկ նյութերի ազդեցության ներքո և/կամ հրաժարվել է ալկոհոլային զննում անցնելուց
• եթե վարորդը դիմել է փախուստի կամ ինքնակամ հեռացել է պատահարի վայրից և/կամ պատահարի վայրից ինքնակամ տեղաշարժել է տրանսպորտային միջոցը` առանց դրա անհրաժեշտության
• եթե պատահարն առաջացել է ապահովադրի, շահառուի, լիազորված վարորդի, կամ ուղևորների դիտավորյալ գործողությունների արդյունքում, որոնք ուղղված են եղել պատահարի առաջացմանը կամ նրանց կողմից հանցագործություն կամ հանցագործության փորձ կատարելու արդյունքում
• եթե պատահարը տեղի է ունեցել պայմանագրում նշված ապահովագրության տարածքից դուրս
• եթե տրանսպորտային միջոցն օգտագործվել է մրցույթներում, փորձարկումներում, ուսումնական նկատառումներով, տրամադրվել է վարձակալության, օգտագործվել է ուղևորներ և/կամ բեռներ տեղափոխելու նպատակով որոշակի վճարի դիմաց՝ գրավոր չտեղեկացնելով ԱՐՄԵՆԻԱ ԻՆՇՈՒՐԱՆՍԻՆ տրանսպորտային միջոցի օգտագործման այդպիսի նպատակի մասին
• եթե տրանսպորտային միջոցը բեռնվել, բեռնաթափվել կամ փոխադրվել է ցանկացած տրանսպորտային միջոցով, բացառությամբ` տրանսպորտային միջոցը ճանապարհային երթևեկության կանոնների պահպանմամբ քարշակելու դեպքի
• եթե ապահովադիրը (լիազորված վարորդը) սահմանված ժամկետում տրանսպորտային միջոցը չի ներկայացրել փորձաքննության և/կամ հնարավորություն չի ընձեռել ԱՐՄԵՆԻԱ ԻՆՇՈՒՐԱՆՍԻՆ անցկացնելու փորձաքննություն և/կամ առանց ԱՐՄԵՆԻԱ ԻՆՇՈՒՐԱՆՍԻ հետ համաձայնեցնելու կատարել է կառուցվածքային փոփոխություններ վնասված տրանսպորտային միջոցի վրա (փոխել, վերանորոգել է վնասված հանգույցները և դետալները)
• եթե ապահովադիրը (լիազորված վարորդը) չի ներկայացրել ԱՐՄԵՆԻԱ ԻՆՇՈՒՐԱՆԻՆ անհրաժեշտ փաստաթղթերը` հատուցում կատարելու մասին որոշում կայացնելու համար կամ ներկայացրել է կեղծ փաստաթղթեր, որոնք հակասում են իր հայտային գրավոր դիմումին
• եթե ապահովադիրը (լիազորված վարորդը) ԱՐՄԵՆԻԱ ԻՆՇՈՒՐԱՆՍԻՆ կամ պատահարի հանգամանքները պարզող իրավասու մարմնին հայտնել է պատահարի իրական հանգամանքներին ակնհայտ չհամապատասխանող, անարժանահավատ կամ կեղծ տեղեկություններ և/կամ օգտագործել է կեղծ միջոցներ` ապահովագրական հատուցում ստանալու համար
• եթե տրանսպորտային միջոցը պատահարից առաջ շահագործվել է անսարք վիճակում, ունեցել թերություններ, որոնք հանգեցրել են պատահարի
• եթե պատահարը տեղի է ունեցել միջուկային պայթյունի, ճառագայթման կամ ռադիոակտիվ վարակման ուղղակի կամ անուղղակի ազդեցության հետևանքով
• եթե պատահարը տեղի է ունեցել ռազմական գործողությունների, զորաշարժերի կամ այլ ռազմական միջոցառումների հետևանքով
• եթե պատահարը տեղի է ունեցել քաղաքացիական պատերազմի, ցանկացած տիպի ժողովրդական հուզումների, ահաբեկչական գործողությունների, գործադուլների հետևանքով
• եթե պատահարը տեղի է ունեցել այն գոտիներում, որտեղ պաշտոնապես հայտարարված է արտակարգ իրավիճակ
• եթե պատահարը տեղի է ունեցել պետական մարմինների կարգադրությամբ տրանսպորտային միջոցի առգրավման, բռնագրավման, ռեկվիզիցիայի, դրա վրա արգելանք դնելու, ոչնչացման կամ վնասման հետևանքով
• եթե վնասը պատճառվել է ամոնիակի և թթվածնային գազաբալոնների օգտագործման արդյունքում պայթյունի հետևանքով
• եթե վնասը պատճառվել է տրանսպորտային միջոցի վրա գազաբալոնների տեղադրման և շահագործման անվտանգությանն ուղղված կանոնների խախտմամբ տեղադրված գազաբալոնների պայթյունի հետևանքով
• եթե վերանորոգումից հետո տեղի ունեցել տրանսպորտային միջոցի ապրանքային, շուկայական արժեքի կորուստ կամ նվազում
• եթե վնասը պատճառվել է ապահովադրի, վարորդի և/կամ ուղևորների գույքին, որը գտնվել է տրանսպորտային միջոցում պատահարի տեղի ունենալու ժամանակ
• լրացուցիչ սարքավորման (ավտոռադիոմագնիտոլա և հարակից սարքավորումներ, ավտոհամակարգիչ, կապի միջոց, գազի բալոն կամ այլ օժանդակ սարքավորում) ֆիզիկական վնասի դեպքում, եթե դրա ապահովագրությունն առանձին նախատեսված չէ պայմանագրում
• տրանսպորտային միջոցի՝ մինչ պատահարի տեղի ունենալը վնասված, ջարդված դետալների, հանգույցների վերանորոգման կամ նորով փոխարինման դեպքում
• կրակի հետ անզգույշ վարվելու հետևանքով տրանսպորտային միջոցի և դրա սրահի մասերի վնասման դեպքում, այդ թվում ծխելու հետևանքով
• եթե պատահարը տեղի է ունեցել լիազորված վարորդի կողմից ճանապարհային երթևեկության կանոնների և Ճանապարհային երթևեկության անվտանգության ապահովման մասին ՀՀ օրենքի պահանջներին հակասող գործողության արդյունքում՝ տրանսպորտային միջոցը հանդիպակաց երթևեկության կողմում և վերջինիս սահմանակից տարածքներում հայտնվելու հետևանքով
• եթե պատահարը տեղի է ունեցել տրանսպորտային միջոցը լուսացույցի արգելող ազդանշանի տակ մուտք գործելու հետևանքով
• հակահրդեհային անվտանգության և վտանգավոր իրերի և նյութերի պահպանման ու տեղափոխման կանոնների խախտման դեպքում
• գործարանային խոտանի կամ նորոգման ժամանակ կատարված խոտանի դեպքում
• շահագործման արդյունքում տրանսպորտային միջոցի և լրացուցիչ սարքավորման բնական մաշվածության դեպքում
• տրանսպորտային միջոցի տեխնիկական շահագործման կանոնների և անվտանգության պայմանների խախտման դեպքում, որոնց մասին ապահովադիրը (լիազորված վարորդը) իմացել էր կամ պարտավոր էր իմանալ
• եթե վնասը առաջացել է տրանսպորտային միջոցի շահագործման արդյունքում դետալների, հանգույցների կամ ագրեգատների կոտրվելու, փչանալու, շարքից դուրս գալու հետևանքով
• բարոյական վնասի, բաց թողնված օգուտի, պարապուրդի, եկամտի կորուստի, ապահովադրի և շահառուի այլ անուղղակի և առևտրային կորուստների, վնասների և ծախսերի դեպքում
• բեռնատար, մարդատար տրանսպորտային միջոցների, կաբրիալետների, կցորդների և կիսակցորդների պարուսինածածկին պատճառված վնասի դեպքում
• ոչ գործարանային պայմաններում վերաձևափոխված տրանսպորտային միջոցների դեպքում՝ ապահովագրական ծածկույթից ՛՛Հրդեհ՛՛ ռիսկի մասով։
Առավել մանրամասն տես ստորև Կանոններում («Կարևոր փաստաթղթեր» բաժնում)։
_կասկո պլյուս.png)
