Գույքի ապահովագրության շրջանակներում հատուցման ենթակա չեն՝

• նախքան պայմանագրի ուժի մեջ մտնելը տեղի ունեցած իրադարձության հետևանքով պատճառված վնասը

• պայմանագիրն ուժի մեջ մտնելուց հետո առաջացած վնասը, որը հանդիսանում է մինչ պայմանագրի ուժի մեջ մտնելը տեղի ունեցած իրադարձության հետևանք

• պատերազմի, ռազմական գործողությունների, (անկախ այն բանից, պատերազմ հայտարարված է, թե ոչ), քաղաքացիական պատերազմի, ապստամբության, ահաբեկչության, հեղափոխության կամ խռովության հետևանքով  պատճառված վնասը

• գույքի բռնագրավման կամ ազգայնացման, ռեկվիզիցիայի, պետական կամ տեղական ինքնակառավարման մարմինների հանձնարարությամբ կատարված քանդման կամ կործանման հետևանքով պատճառված վնասը 

• շինարարական թերությունների, գույքի օբյեկտների և դրանց մասերի թերի լինելու, շինարարության ժամանակ օգտագործված ոչ պատշաճ որակի նյութերի, նախագծման և շինարարության թերությունների, անորակ մոնտաժային աշխատանքների հետևանքով պատճառված վնասը

• ապրանքային արժեքի կորուստը/շուկայական արժեքի նվազեցումը

• բարոյական վնասը

• ապահովադրի (շահառուի), նրա ընտանիքի անդամների, նրա հետ համատեղ բնակվող կամ տնտեսություն վարող անձանց, նրա աշխատակիցների, կամ նրանց վստահված անձանց (այդ թվում՝ վարձակալի) դիտավորության և/կամ  անզգուշության, անփութության հետևանքով պատճառված վնասը

• կրծողների, միջատների կողմից գույքին հասցված վնասը

• միջուկային պայթյունի, ճառագայթման կամ ռադիոակտիվ վարակման ազդեցության հետևանքով պատճառված վնասը

• ինքնաայրման, խմորման, փտման, քայքայման, կոռոզիայի, սնկերի կամ այլ բնական երևույթների հետևանքով պատճառված վնասը

• ապահովագրված գույքի ֆիզիկական մաշվածության, շահագործման նորմատիվ ժամկետների խախտման հետևանքով պատճառված վնասը

• ապահովագրված գույքին կրակի կամ բարձր ջերմաստիճանի հասցրած վնասը, որն առաջացել է մշակման կամ վերամշակման կամ այլ նպատակով դրա վրա կրակի կամ տաքության ազդեցությամբ

• ապահովագրված գույքին հասցված վնասը, որն առաջացել է բուխարուց, վառարանից կամ այլ վայրից դուրս ընկած կամ վառվող ածուխների խանձման կամ այրման հետևանքով, ծխախոտից կամ ծխամորճից, զոդման լամպից, նման առարկաներից, հատուկ նախատեսված տարածքներից կրակի հանկարծակի դուրս գալու հետևանքով, և եթե այդ վնասը հրդեհի հետևանք չէ

• էլեկտրական հոսանքի կարճ միացման, էլեկտրական հոսանքի անցկացման հետ կապված սարքավորումների և էլեկտրական լարերի վթարների ու այլ անսարքությունների հետևանքով առաջացած վնասը

• բաց պատուհանների կամ այլ անցքերի միջոցով անձրևի, կարկուտի, ձյան կամ այլ տեղումների ներթափանցման հետևանքով առաջացած վնասը

• տեղափոխման ժամանակ գողության, կողոպուտի կամ ավազակության հետևանքով առաջացած վնասը, եթե հասցվել է այն անձի կանխամտածված գործողության հետևանքով, ում հանձնարարված էր գույքի տեղափոխումը կամ պահպանությունը

• պայթուցիկ նյութերի, պայթյունավտանգ սարքավորումների պահպանման, պատրաստման և օգտագործման, ինչպես նաև քիմիական և ֆիզիկական փորձերի անցկացման հետևանքով պատճառված վնասը

• դեպքերը, երբ պայմանագրի կնքման կամ գործողության ընթացքում ապահովադրի կողմից հայտնվել են կեղծ տեղեկություններ

• դեպքերը, երբ ապահովադիրը (շահառուն) չի կատարել ապահովագրական հատուցում ստանալու համար պահանջվող փաստաթղթերի ներկայացման իր պարտականությունները, ինչի հետևանքով ԱՐՄԵՆԻԱ ԻՆՇՈՒՐԱՆՍ-ն զրկվել է պատահարի փաստը, պատճառները, հանգամանքները և/կամ վնասների չափը պարզելու հնարավորությունից

• դեպքերը, երբ ապահովադիրը խոչընդոտել է փորձագետների և լիազորված պետական մարմինների աշխատանքներին, ինչը հանգեցրել է պատահարի փաստը և/կամ վնասի չափը հաստատելու անհնարինության

• դեպքերը, երբ ապահովադիրը կեղծել է վնասի ծագման հանգամանքների կամ նրա չափերի վերաբերյալ փաստաթղթերը

• դեպքերը, երբ ապահովադիրը հրաժարվել է վնասի համար պատասխանատու անձի նկատմամբ պահանջի իրավունքից կամ այդ իրավունքն իրականացնելն անհնարին է դարձել ապահովադրի (շահառուի) մեղքով

• դեպքերը, երբ առկա են օրենքով և պայմանագրով նախատեսված հատուցման վճարումը մերժելու այլ հիմքեր։

Առավել մանրամասն տես ստորև Կանոններում («Կարևոր փաստաթղթեր» բաժնում)։

Գույքի ապահովագրության դեպքում ապահովագրավճարը հաշվարկվում է ԱՐՄԵՆԻԱ ԻՆՇՈՒՐԱՆՍԻ կողմից սահմանված ապահովագրական սակագնի (տես՝ ստորև «Կարևոր փաստաթղթեր» բաժնում) հիման վրա, որը կախված է՝

Ապահովագրական պատահարից հետո 3 ամսվա ընթացքում անհրաժեշտ է ներկայացնել դիմում (տես ձևը ստորև «Կարևոր փաստաթղթեր» բաժնում) և հիմնավորող փաստաթղթերը: Ապահովագրական հատուցումը վճարվում է դիմումը և բոլոր փաստաթղթերը ստանալուց հետո՝ առավելագույնը 10 աշխատանքային օրվա ընթացքում:

Գույքի ապահովագրության պայմանագրի շրջանակներում ապահովագրական հատուցումը իրականացվում է հետևյալ տարբերակներից մեկով՝

• դրամական փոխհատուցմամբ՝ ՀՀ դրամով

• համարժեք գույքով (ըստ փոխադարձ համաձայնության)

• վնասված գույքի վերանորոգմամբ։

Առավել մանրամասն տես ստորև Կանոններում («Կարևոր փաստաթղթեր» բաժնում)։

Ապահովադիրն իրավունք ունի միակողմանիորեն լուծելու պայմանագիրը` այդ մասին ոչ պակաս, քան 15 օր առաջ ծանուցելով ապահովագրողին:

Ապահովադրի պահանջով պայմանագրի վաղաժամկետ լուծման դեպքում ապահովագրողը վերադարձնում է ապահովագրավճարը` պայմանագրի չլրացած ժամկետին համամասնորեն, ինչպես նաև ապահովադրից գանձվում է տուգանք պայմանագրի չգործած օրերի համար հաշվարկված  ապահովագրավճարի 20%-ի չափով, եթե պայմանագրով այլ բան նախատեսված չէ: Եթե ապահովադրի պահանջները պայմանավորված են ապահովագրողի կողմից պայմանագրի խախտմամբ, ապա ապահովագրողը վերադարձնում է ապահովագրավճարը` պայմանագրի չլրացած ժամկետին համամասնորեն:

Ապահովագրողի պահանջով պայմանագրի վաղաժամկետ լուծման դեպքում ապահովադրին են վերադարձվում ապահովագրավճարները` պայմանագրի չլրացած ժամկետին համամասնորեն, իսկ եթե ապահովագրողի պահանջները պայմանավորված են ապահովադրի կողմից պայմանագրի խախտմամբ, ապա վերջինս ապահովադրին է վերադարձնում ապահովագրավճարները` պայմանագրի չլրացած ժամկետին համամասնորեն, ինչպես նաև ապահովադրից գանձվում է տուգանք պայմանագրի չգործած օրերի համար՝ հաշվարկված ապահովագրավճարի 20%-ի չափով։

Պայմանագրի վաղաժամկետ լուծման դեպքում ապահովադրին չեն վերադարձվում ապահովագրավճարները, եթե ապահովադիրը տվյալ պայմանագրի գծով դիմել է ապահովագրական հատուցում ստանալու համար, բացառությամբ այն դեպքերի՝ երբ ապահովագրական հատուցումը մերժվել է: