Սեփականատիրոջ ապահովագրության շրջանակներում հատուցվում են հետևյալ ապահովագրական ռիսկերի կամ դրանց համակցությունների ազդեցության արդյունքում գույքի ոչնչացման, վնասման կամ կորստի դեպքերը՝

- դժբախտ պատահարներ` 

   • հրդեհ, ներառյալ` այրման նյութերի, ինչպես նաև ջրի (փրփուրի) և հրդեհի մարման ընթացքում կիրառված այլ միջոցների ազդեցությունը 

   • պայթյուն 

   • ջրամատակարարման, ջեռուցման, կոյուղու և հրդեհամարման համակարգերի վթարի, ինչպես նաև ցածր ջերմաստիճանների ազդեցության արդյունքում նշված համակարգերի վնասման պատճառով ջրից վնասում 

   • ապահովադրին (շահառուին) չպատկանող հարևան տարածքներից ջրի և այլ հեղուկների ներթափանցում

   • տրանսպորտային միջոցների վրաերթ և/կամ կենդանու հետ բախում 

   • ապահովագրված գույքի վրա ծառերի վայր ընկնելը

   • ապահովագրության օբյեկտի վրա թռչող սարքերի, դրանց մասերի կամ բեռի վայր ընկնելը

- տարերային աղետներ` 

   • ուժգին քամի

   • տայֆուն 

   • փոթորիկ 

   • մրրիկ

   • երկրաշարժ (եթե պայմանագրում հատուկ նշվում է տվյալ ռիսկը)

   • ջրհեղեղ 

   • հեղեղում 

   • կարկուտ

   • տվյալ տեղանքին ոչ հատուկ մթնոլորտային տեղումներ

   • ապահովագրության օբյեկտի կայծակնահարում, որը չի հանգեցրել հրդեհի առաջացմանը 

   • սողանք (եթե պայմանագրում նշվում է տվյալ ռիսկը)

   • փլվածք

   • սելավ

   • ձյան հուսին

- սեփականության նկատմամբ հանցագործություններ` 

   • կոտրանքով գողություն

   • ավազակություն, 

   • այլ անձանց կողմից գույքի դիտավորությամբ ոչնչացում (վնասում)։

Առավել մանրամասն տես ստորև Կանոններում («Կարևոր փաստաթղթեր» բաժին)։

Սեփականատիրոջ ապահովագրության ենթակա են՝

• անձնական օգտագործման համար նախատեսված շինություններ, ներառյալ` տնտեսական, կենցաղային, սպորտային կամ այլ նշանակության կառույցներ, դրանց առանձին կառուցվածքային տարրեր կամ առանց առանձին կառուցվածքային տարրերի շինություններ

• բնակարաններ, սենյակներ, ավտոտնակներ և օժանդակ շինություններ, դրանց առանձին կառուցվածքային տարրեր կամ բնակարաններ` առանց առանձին կառուցվածքային տարրերի.

• բազմաբնակարանային շենքում ընդհանուր օգտագործման տարածքներ, կառույցներ

• կառուցվածքային տարրերի ներքին կամ արտաքին հարդարանք

• տեղադրված ինժեներական սարքավորումներ

• անավարտ շինարարության անշարժ գույքի օբյեկտներ

• տնային գույք

• այլ գույք:

Ապահովագրության ենթակա չեն` 

• խարխուլ շինություններ, որոնց ֆիզիկական մաշվածությունը կազմում է 75 և ավելի տոկոս

• վթարային վիճակում գտնվող, կապիտալ վերանորոգման կարիք ունեցող կամ քանդման ենթակա շենքերում գտնվող բնակարաններ

• տնային և/կամ այլ գույք, որը գտնվում է բնակության համար ոչ պիտանի, խարխուլ տարածքներում, վթարային վիճակում գտնվող, կապիտալ վերանորոգման կարիք ունեցող կամ քանդման ենթակա շենքերում, շինմոնտաժային աշխատանքների իրականացման փուլում գտնվող շինություններում

• տնային և/կամ այլ գույք, որի ֆիզիկական մաշվածությունը կազմում է 75 և ավելի տոկոս

• տնային և/կամ այլ գույք, որը գտնվում է հասարակական օգտագործման տարածքներում կամ կառույցներում

• տարերային աղետներ սպառնացող գոտում գտնվող օբյեկտներ

• օբյեկտներ, որոնք պետական մարմինների կարգադրությամբ ենթակա են առգրավման, բռնագրավման, ռեկվիզիցիայի, դրանց վրա արգելանք դնելու, վնասման կամ ոչնչացման

• օբյեկտներ, որոնց իրական արժեքը հնարավոր չէ որոշել, այդ թվում` ինքնաշեն տնային գույք

• փայտից տներ և շինություններ, ինչպես նաև դրանցում գտնվող գույք, եթե պայմանագրով այլ բան նախատեսված չէ․

• ինքնակամ կառույցներ

• պաշարներ (սպառվող նյութերի` դիմահարդարման նյութերի, օծանելիքի, սանիտարահիգիենիկ ապրանքների և այլնի, բացառությամբ` շինարարական նյութերի, փայտի, խոտի), կազմտեխնիկայի համար ծախսվող նյութեր, տնկիներ և սերմեր, հավաքածու չհանդիսացող՝ տեխնիկական ալմաստներ և արտադրատեխնիկական նշանակության այլ իրեր, փաստաթղթեր, գծագրեր, արժեթղթեր, դրամանիշներ, հանքաքարերի տեսքով թանկարժեք մետաղներ, հանքային հումքի տեսքով քարեր, ձեռագրեր, տեսաերիզներ և լուսանկարներ, լուսա- և տեսանյութեր, կրոնական պաշտամունքի առարկաներ, կոնտակտային լինզաներ։

Սեփականատիրոջ ապահովագրության շրջանակներում չեն հատուցվում հետևյալ իրադարձություններից առաջացած վնասները`

• առանձին կոմպլեկտավորող իրերի, հանգույցների և/կամ բլոկների այրվելը կամ շարքից դուրս գալը (խափանումը)` անկախ պատճառից

• ապահովագրված գույքի այնպիսի վնասումը կամ ոչնչացումը, որը տեղի է ունեցել երաշխիքային պարտավորություններով ծածկվող հանգամանքների արդյունքում

• միջուկային պայթյունի, ճառագայթման կամ ռադիոակտիվ վարակման ուղղակի կամ անուղղակի ազդեցությունը

• ռազմական գործողությունները, զորաշարժերը կամ այլ ռազմական միջոցառումները

• քաղաքացիական պատերազմը, ցանկացած տիպի ժողովրդական հուզումները, գործադուլները, ահաբեկչական գործողությունները

• պետական մարմինների կարգադրությամբ իրականացված ապահովագրության օբյեկտի առգրավումը, բռնագրավումը, ռեկվիզիցիան, դրա վրա արգելանք դնելը, ոչնչացումը կամ վնասումը

• քայքայումը, կոռոզիան կամ այլ բնական երևույթների հետևանքով ապահովագրության օբյեկտի հատկությունների փոփոխությունների պրոցեսները, գույքի վնասումը սնկերի, թրթուրների, կրծողների, միջատների, այլ վնասատուների և ընտանի կենդանիների կողմից

• ֆիզիկական մաշվածությունը, դրանց շահագործման նորմատիվ ժամկետների խախտումը, արտադրական, շինարարական թերությունները, ապահովագրության օբյեկտների կառուցվածքային թերությունները, անորակ կատարված մոնտաժային աշխատանքները

• կրակով մշակումը կամ այլ ջերմային եղանակով դրա վրա ազդեցությունը

• ապահովագրված օբյեկտներում, շինությունը կամ բնակարանը, որտեղ գտնվում է ապահովագրված գույքը, տեղումների ներթափանցումը` ծածկերից, պանելային շենքերի կարերից, վերնահարկից, պատշգամբներից, տեռասներից, բաց պատուհաններից, դռներից և այլնից, ինչպես նաև դիտավորությամբ արված կամ վթարային վիճակում գտնվելու կամ շինարարական արատների հետևանքով առաջացած կարերից, բացակներից և անցքերից

• էլեկտրական հոսանքի կարճ միացման, մեկուսացման խախտումների և տեղադրված ինժեներական էլեկտրասարքավորումների և էլեկտրական լարերի այլ վթարների և անսարքությունների հետևանքով առաջացած ծխահարումը, ինժեներական էլեկտրասարքավորումների և էլեկտրական լարերի հալումը, եթե վերջիններս չեն հանդիսացել ապահովագրական ռիսկի ազդեցության հետևանք

• ապահովագրական ռիսկի ազդեցության հետևանք չհանդիսացող փլվածքը (փլուզումը)

• ապահովագրված օբյեկտում պայթուցիկ նյութերի և պայթյունավտանգ սարքավորումների պահպանումը, պատրաստումը և օգտագործումը, ինչպես նաև քիմիական և ֆիզիկական փորձերի անցկացումը

• պատահական ոչնչացումը կամ պատահական վնասը

• կենցաղային էլեկտրասարքերի, էլեկտրոնային սարքավորումների, հեռուստա-, ձայնա-, տեսա-, ռադիո սարքավորումների աշխատանքի խաթարման կամ խափանման դեպքերը, որոնք առաջացել են հետևյալի արդյունքում`

        - ապահովագրական տարածքից դուրս տեղի ունեցած տարերային աղետների կամ դրանց հետևանքների,

        - էլեկտրաէներգիայի ոչ որակյալ մատակարարման (ցանցում լարման լրիվ անկում, լարման խախտումներ, գերլարում, լարման բարձրավոլտ բռնկումներ հաճախականության տատանումներ և այլն)

        - էլեկտրացանցում կարճ միացման (էլեկտրալարերի ոլորման կամ ճկման, մեկուսացման խախտման, թաքնված գծերի վնասման և այլնի)

• վերանորոգման (վերակառուցման) աշխատանքների ընթացքում կամ արդյունքում առաջացած վնասը

• Ապահովադրի (նրա աշխատակիցների) դիտավորության արդյունքում Շահառուի գույքին վնաս պատճառելը

• երրորդ անձանց գույքին վնաս պատճառվելը` վերջինիս դիտավորության արդյունքում

• Ապահովադրի կամ այլ օգտագործողի կողմից ներքին գործերի մարմիններում (ոստիկանությունում) պարտադիր գրանցման ենթակա ավտոտրանսպորտային և մոտոտրանսպորտային միջոցների շահագործման արդյունքում պատճառված վնասը

• վնասը, որը պատճառվել է Ապահովադրի կողմից օրենքի, այլ իրավական ակտերի, արտադրական կանոնների, նորմերի կամ նորմատիվային փաստաթղթերի դրույթների չկատարման հետևանքով

• մարդկանց, կենդանիների կամ բույսերի օրգանիզմում գենետիկ փոփոխությունների հետևանքով պատճառված վնասը

• պայմանագրային պարտավորությունների չկատարման կամ ոչ պատշաճ կատարման հետևանքով պատճառված վնասը

• Ապահովադրի կողմից բարձր վտանգավորության աղբյուրների շահագործման կամ դրանք այլ նպատակներով օգտագործման հետևանքով պատճառված վնասը

• կոնստրուկցիաների, սարքավորումների կամ նյութերի շահագործման նորմատիվային ժամկետներից ավել օգտագործման հետևանքով պատճառված վնասը

• Ապահովադրի կողմից պատրաստվող (իրացվող, կատարվող կամ մատուցվող) ապրանքների (աշխատանքների, ծառայությունների) չբավականացման (անբավարարության), ինչպես նաև այդ ապրանքների (աշխատանքների, ծառայությունների) վերաբերյալ ոչ հավաստի կամ ոչ բավարար տեղեկատվության առկայության հետևանքով պատճառված վնասը

• երրորդ անձին պատճառված վնասը, որը հետևանք է մշտական, պարբերաբար, կամ երկարատև թերմիկ ազդեցության կամ գազերի, գոլորշիների, ճառագայթների, խոնավության կամ ցանկացած, այդ թվում՝ մթնոլորտում կշռված մասնիկների (ծուխ, փոշի և այլն), բացառությամբ՝ երբ դրանց ազդեցությունը հանկարծակի է կամ չկանխատեսված և կան ակնհայտ ապացույցներ, որ այդ ազդեցության հետևանքով վնասը անխուսափելի էր։ 

Առավել մանրամասն տես Կանոններում («Կարևոր փոստաթղթեր» բաժնում)։

Սեփականատիրոջ ապահովագրության պայմանագիր կնքելու համար անհրաժեշտ է ԱՐՄԵՆԻԱ ԻՆՇՈՒՐԱՆՍ ներկայացնել բանավոր կամ գրավոր դիմում։

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովագրական պատահարի նշաններ ունեցող իրադարձության մասին հայտնի դառնալու պահին պետք է անհապաղ, 48 ժամվա ընթացքում, հայտնել այդ մասին ԱՐՄԵՆԻԱ ԻՆՇՈՒՐԱՆՍԻՆ՝ զանգահարելով 011 560404 կամ 012 560404 շուրջօրյա գործող հեռախոսահամարներով և հետևել օպերատորի հրահանգներին, ինչպես նաև համապատասխան իրավասու մարմիններին (ոստիկանություն, հրշեջ ծառայություն, այլ մարմիններ)։

Ապահովագրական պատահարից հետո 3 ամսվա ընթացքում ներկայացնել դիմում (տես ձևը ստորև «Կարևոր փաստաթղթեր» բաժնում) և հաստատող փաստաթղթերը: Ապահովագրական հատուցումը վճարվում է դիմումը և բոլոր փաստաթղթերը ստանալուց հետո՝ առավելագույնը 10 աշխատանքային օրվա ընթացքում։

Սեփականատիրոջ ապահովագրության պայմանագրի շրջանակներում ապահովագրական հատուցումը իրականացվում է հետևյալ տարբերակներով՝

• դրամական փոխհատուցմամբ՝ ՀՀ դրամով, ստացողի բանկային հաշվին

• համարժեք գույքով (ըստ փոխադարձ համաձայնության)

• վնասված գույքի վերանորոգմամբ։

Առավել մանրամասն տես Կանոններում («Կարևոր փոստաթղթեր» բաժնում)։

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում անհրաժեշտ է  դիմում ներկայացնել ԱՐՄԵՆԻԱ ԻՆՇՈՒՐԱՆՍԻՆ, որից հետո կորցրած տարբերակը կհամարվի անվավեր և ողջամիտ ժամկետում կտրամադրվի կրկնօրինակը։