«Կրիտիկական Պլյուս» ապահովագրության ծրագրի շրջանակներում հատուցումը վճարվում է ապահովագրված անձի մոտ հետևյալ կրիտիկական հիվանդություններից (վիճակներից) որևէ մեկը աշտորոշելու դեպքում․

• քաղցկեղի հիմնական տեսակները` ներառյալ գլխուղեղի բարորակ ուռուցքը

• երիկամների ֆունկցիաների խանգարման վերջնական փուլը

• կենսականորեն կարևոր օրգանների փոխպատվաստումը

• ցրված սկլերոզը, որն ուղեկցվում է  մշտական ախտանշաններով

• կաթվածը, որն ուղղորդվում է պարալիչով

• կուրությունը

• աորտայի վիրաբուժությունը (կիրառվում է ենթասահմանաչափ` ապահովագրական գումարի 50%-ի չափով)

• սրտի փականի փոխպատվաստումը կամ վերականգնումը (կիրառվում է ենթասահմանաչափ` ապահովագրական գումարի 50%-ի չափով):

Ավելի մանրամասն տես ստորև Ծրագիրում և Կանոններում («Կարևոր փաստաթղթեր» բաժնում)։

«Կրիտիկական Պլյուս» ապահովագրության ծրագրի շրջանակներում հատուցում չի վճարվում, եթե հիվանդությունները.

• նախատեսված չեն Կանոններով

• կապված են ապահովագրված անձի կողմից իրեն միտումնավոր մարմնական վնասվածքների հասցման, ինքնասպանության փորձի հետ, բացառությամբ՝ երբ ապահովագրված անձը բերվել է այդ վիճակի երրորդ անձանց հակաիրավական գործողությունների հետևանքով, ինչը հաստատվել է համապատասխան դատական վճռով

• կապված են մինչև պայմանագրի կնքումը հայտնաբերված և գոյություն ունեցած վիճակների հետ

• վերաբերվում են Կանոնների 4-րդ բաժնում նախատեսված դեպքերին։

«Կրիտիկական Պլյուս» ապահովագրության ծրագրով պայմանագիր կնքելու համար  անհրաժեշտ է՝

• ներկայացնել դիմում ԱՐՄԵՆԻԱ ԻՆՇՈՒՐԱՆՍԻՆ

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։ Անհրաժեշտությունից ելնելով՝ ապահովագրողը կարող է պահանջել ապահովագրվող անձից լրացնել հարցաթերթիկ իր առողջական վիճակի մասին կամ անցնել բժշկական նախնական զննում և հետազոտություններ:

Ապահովագրական պատահար տեղի ունենալու դեպքում պետք է՝

• զանգահարել 011 560404 կամ 012 560404 շուրջօրյա գործող հեռախոսահամարներով և հետևել մասնագետի հրահանգներին

• 30 օրվա ընթացքում ԱՐՄԵՆԻԱ ԻՆՇՈՒՐԱՆՍԻ գրավոր տեղեկացնել ցանկացած ախտորոշման մասին, որը կարող է հիմք հանդիսանալ ապահովագրական հատուցման պահանջ ներկայացնելու համար

• 60 աշխատանքային օրվա ընթացքում ներկայացնել մանրամասն բժշկական եզրակացություն կրիտիկական հիվանդության/վիճակի առաջացման և պատճառի մասին։ 

Ուշադրություն. Կրիտիկական հիվանդությունը/վիճակը պետք է ախտորոշված լինի որակավորված բժիշկ-մասնագետի կողմից և հաստատված ռադիոլոգիական, հյուսվածքաբանական և լաբորատոր հետազոտություններով, որոնք ընդունելի կլինեն միջազգային առողջապահության կանոններով: Կրիտիկական հիվանդության/վիճակի ախտորոշումից հետո ողջ մնալու պարտադիր ժամանակահատվածը (ապրելու ժամկետը) կազմում է 28 օր:

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում անհրաժեշտ է  դիմում ներկայացնել ԱՐՄԵՆԻԱ ԻՆՇՈՒՐԱՆՍԻՆ, որից հետո կորցրած տարբերակը կհամարվի անվավեր և ողջամիտ ժամկետում կտրամադրվի կրկնօրինակը։