• մինչ ապահովագրության գործողության ուժի մեջ մտնելը առաջացած դեպքեր, վիճակներ, հիվանդություններ, որոնց գծով կատարված բժշկական միջամտությունները դեռ չեն ավարտվել կամ ունեն տրամաբանական շարունակություն

• դեպքեր և վիճակներ, որոնց գծով չեն ներկայացվել կամ թերի են հատուցում ստանալու համար անհրաժեշտ փաստաթղթերը

• առանց բժշկական ցուցման իրականացված ցանկացած բժշկական ծախս

• ապահովագրված անձի կողմից բժշկի նշանակումներին չհետևելու կամ դրանցից հրաժարվելու հետևանքով առաջացած ծախսեր

• վնասվածքներ, որոնք հասցվել են ալկոհոլի, թմրանյութի և տոքսիկ նյութի օգտագործման հետևանքով. ալկոհոլային և թմրադեղային թունավորումների բուժում, թմրամոլություն, ալկոհոլամոլություն, թունամոլություն և դրանց հետևանքներ

• հիվանդություններ և վիճակներ, որոնք պահանջում են պլանային վիրահատություններ և ոչ վիրահատական բուժում, եթե այլ բան նախատեսված չէ ծրագրով

• ապահովագրված անձի կողմից ինքն իրեն կանխամտածված մարմնական վնասվածքների պատճառում

• նյարդային համակարգի դեմիելինիզացնող հիվանդություններ

• աուտոիմուն և շարակցական հյուսվածքի համակարգային հիվանդություններ

• հոգեթերապևտի ծառայություններ, հիպնոս

• նևրոզներ և սահմանային վիճակներ (նեյրոցիրկուլյատոր դիստոնիա, վեգետաանոթային դիստոնիա, աստենո-դեպրեսիվ համախտանիշ, աստենո-նևրոտիկ համախտանիշ և այլն), հոգեկան հիվանդություններ

• քրոնիկ հիվանդությունների մշտական, պահպանողական բուժում, դինամիկ հսկողություն 

• թոքերի քրոնիկ ոչ յուրահատուկ հիվանդություններ` թոքերի էմֆիզեմա, պնևմոսկլերոզ և այլն

• բնածին անոմալիաներ և զարգացման արատներ կամ անատոմիական առանձնահատկություններ, ժառանգական և գենետիկ հիվանդություններ` պարբերական հիվանդություն, էպիլեպսիա, քրոմոսոմային խանգարումներ, մանկական ուղեղային պարալիչ և այլն, դրանց բարդություններ (բուժում և հետազոտություններ, այդ թվում` բացահայտմանն ուղղված հետազոտություններ)

• ողնաշարի միջողնային սկավառակների ախտահարումներ, դեգեներատիվ դիստրոֆիկ փոփոխություններ, օստեոխոնդրոզ, օստեոպենիա, օստեոպորոզ, սկոլիոզ, կիֆոզ, եթե այլ բան նախատեսված չէ ծրագրով

• էնդոկրինոպաթիաներ, հանգուցավոր խպիպ, շաքարային դիաբետ և դրա բարդություններ, այդ թվում՝ դրա բացահայտման համար նախատեսված հետազոտություններ

• հեմոդիալիզի անցկացում պահանջող քրոնիկական երիկամային անբավարարություն

• քաշի և խոսքի շտկում, սեռի վիրաբուժական փոփոխում

• ֆիզիոթերապևտիկ և վերականգնողական բուժում, փորձարարական և այլընտրանքային, ոչ ավանդական, բուժման ու ախտորոշման մեթոդներ, փորձարարական կամ հետազոտական մեթոդներով բուժում, կազդուրման ավանդական համակարգեր, հեռաբժշկության հետ կապված ծառայություններ

• սանատոր-առողջարանային բուժում

• հղիություն և դրա բարդություններ

• անպտղություն, սեռական ֆունկցիայի խանգարում և էրեկտիլ դիսֆունկցիա (իմպոտենցիա), սեռական հորմոնալ դիսֆունկցիաներ, դաշտանային ցիկլի խանգարում, այդ թվում՝ նշված հիվանդությունների/շեղումների բացահայտմանն ուղղված հետազոտություններ

• հակաբեղմնավորում, արհեստական բեղմնավորում,  հակաբեղմնավորիչ կոնսերվատիվ միջամտություններ, այդ թվում` ՆԱՄ-ի տեղադրում և հեռացում  

• ՄԻԱՎ, ՁԻԱՀ, սեռական վարակներ, այդ թվում՝ առավելապես սեռական ճանապարհով փոխանցվող վարակներ (բուժում և յուրաքանչյուր հիվանդության և/կամ վարակի համար հետազոտություն, այդ թվում` բացահայտմանն ուղղված հետազոտություն), սեռական օրգանների սնկային հիվանդություններ

• քրոնիկական վիրուսակրության, բացիլակրության, դիսբակտերիոզի և պարազիտակրության համար նախատեսված հետազոտություններ և բուժում

• հեպատիտ B, C, D և E, այդ թվում՝ դրանց բացահայտմանն ուղղված հետազոտություններ, լյարդի ցիռոզ, լյարդային անբավարարություն, քրոնիկ երիկամային անբավարարություն

• հատուկ վտանգավոր վարակներ (բնական օսպա, ժանտախտ, սիբիրյան խոց, խոլերա, բծավոր տիֆ, վիրուսային հեմոռագիկ տենդեր` Էբոլա, Լասսա, Մարբուրգ, Կորոնա), ՀՀ իրավասու մարմինների կողմից հայտարարված համաճարակներ, նաև այն տարածքներից ներմուծված վարակները, որոնց սահմաններում հայտնաբերվել և ճանաչվել/հայտարարվել են համաճարակների օջախներ

• տեսողության սրության վիրահատական շտկում

• ճառագայթային հիվանդություններ

• տուբերկուլյոզ

• մաստոպաթիաներ (ախտորոշումից հետո)

• մաշկային հիվանդություններ, մաշկի, եղունգների սնկային ախտահարումներ (օնիխոմիկոզներ, էկզեմա, պսորիազ)

• վիտամինաթերապիա, կենսաբանական ակտիվ հավելումներ, հոմեոպատիկ դեղամիջոցներ, կոսմետիկ միջոցներ, խոտաբույսեր, տարբեր ծագման յուղեր, կոսմետիկ պարագաներ

• էնդոպրոթեզավորում, բացառությամբ պայմանագրի գործողության ընթացքում տեղի ունեցած դժբախտ պատահարի հետևանքների, երբ այլընտրանքային բուժում չկա, օրգանների փոխպատվաստում

• պրոթեզներ, իմպլանտներ, հարմարանքներ (լսողական սարքեր, հաշմանդամային սայլակներ, օրթոպեդիկ հարմարանքներ, այդ թվում` օրթոպեդիկ բարձ, օրթոպեդիկ ներքնակ, օրթոպեդիկ ներդիր, տակդիր, և այլն)

• պլաստիկ և կոսմետիկ նպատակներով իրականացվող վիրաբուժություն (ներառյալ պլաստիկ և վերականգնողական վիրաբուժություն), բացառությամբ պայմանագրի գործողության ընթացքում տեղի ունեցած դժբախտ պատահարի հետևանքների, մաշկի հիվանդությունների (կոշտուկներ, պտկիկներ, գորտնուկներ, խալեր և կանդիլոմաներ) և դրանց բարդացումների հետ կապված իրականացվող պլաստիկ և վերականգնողական վիրահատություններ

• ատամնաբուժություն և օտոնդոգեն բարդություններ

• քթի միջնապատի թեքվածության և դրա բարդությունների հետ կապված վիրահատություններ՝ բացառությամբ պայմանագրի ընթացքում տեղի ունեցած դժբախտ պատահարի հետևանքով առաջացածներ վիրահատությունների

• ապահովագրված անձի կողմից հակաօրինական գործողությունների արդյունքում առաջացած վնասվածքներ և հիվանդություններ

• ծրագրում չընդգրկված ցանկացած բժշկական ծառայություն և բժշկական նշանակության ապրանք

• ֆորս-մաժոր հանգամանքների (միջուկային պայթյուն, ճառագայթային ռադիոակտիվ կամ քիմիական վարակ, ռազմական գործողություններ, քաղաքացիական պատերազմ, հասարակական հուզումներ կամ գործադուլներ) հետևանքով առաջացած հիվանդություններ։

• շտապ, անհետաձգելի և կյանքին վտանգ սպառնացող պատահարի դեպքում՝ 

24 ժամվա ընթացքում կամ, հնարավորության դեպքում, անմիջապես հայտնել այդ մասին ԱՐՄԵՆԻԱ ԻՆՇՈՒՐԱՆՍԻՆ 011 560404 կամ 012 560404 հեռախոսահամարով կամ էլ․փոստով` info@armeniansurance.am կամ medical@armeniainsurance.am հասցեով։  Սահմանված ժամկետում ապահովագրողին չտեղեկացնելը հիմք է ապահովագրական հատուցումը մերժման համար, բացառությամբ այն դեպքերի, երբ ապահովագրված անձը պատահարի հետևանքով հայտնվել է անգիտակից վիճակում կամ այնպիսի այլ իրավիճակում, երբ սահմանված ժամկետում և կարգով պատահարի մասին տեղեկացնելն անհնարին է։