ArmMED կամավոր ապահովագրության ծրագրի շրջանակներում չեն հատուցվում հետևյալ բժշկական և այլ ծառայությունները, հիվանդությունները, և ծախսերը․

· Մինչ ապահովագրության գործողության ուժի մեջ մտնելը առաջացած դեպքեր, վիճակներ, հիվանդություններ, որոնց գծով կատարված բժշկական միջամտությունը դեռ չի ավարտվել կամ ունի տրամաբանական շարունակություն

· Դեպքեր և վիճակներ, որոնց գծով չեն ներկայացվել կամ թերի են հատուցում ստանալու համար անհրաժեշտ փաստաթղթերը

· Առանց բժշկական ցուցման իրականացված ցանկացած բժշկական ծախս

· Բժշկի նշանակումներին չհետևելու կամ դրանից հրաժարվելու հետևանքով առաջացած ծախսեր

· Վնասվածք, որը հասցվել է ալկոհոլի, թմրանյութի կամ տոքսիկ նյութի օգտագործման հետևանքով, ալկոհոլային և թմրադեղային թունավորման, թմրամոլության, ալկոհոլիզմի, տոքսիկոմանիայի և դրանց հետևանքների բուժում

· Ինքնիրեն կանխամտածված մարմնական վնասվածքի պատճառում

· Նյարդային համակարգի դեմիելինիզացնող հիվանդություններ

· Աուտոիմուն և շարակցական հյուսվածքի համակարգային հիվանդություններ

· Հոգեթերապևտի ծառայություններ, հիպնոս

· Նևրոզներ և սահմանային վիճակներ, հոգեկան հիվանդություններ

· Քրոնիկ հիվանդության մշտական, պահպանողական բուժում, դինամիկ հսկողություն

· Թոքերի քրոնիկ ոչ յուրահատուկ հիվանդություն

· Բնածին անոմալիա և զարգացման արատ կամ անատոմիական առանձնահատկություն, ժառանգական և գենետիկ հիվանդություն, դրանց բարդություններ (բուժում և հետազոտություն, այդ թվում` բացահայտմանն ուղղված հետազոտություն)

· Ողնաշարի միջողնային սկավառակի ախտահարում, դեգեներատիվ դիստրոֆիկ փոփոխություն, օստեոխոնդրոզ, օստեոպենիա, օստեոպորոզ, սկոլիոզ, կիֆոզ

· Էնդոկրինոպաթիա, հանգուցավոր խպիպ, շաքարային դիաբետ և դրա բարդություններ, այդ թվում՝ դրա բացահայտման համար նախատեսված հետազոտություններ

· Հեմոդիալիզի անցկացում պահանջող քրոնիկական երիկամային անբավարարություն

· Քաշի և խոսքի շտկում

· Սեռի վիրաբուժական փոփոխում

· Ծրագրով չնախատեսված վերականգնողական բուժում, փորձարարական և այլընտրանքային, ոչ ավանդական բուժման ու ախտորոշման մեթոդներով բուժում, կազդուրման ավանդական համակարգեր, հեռաբժշկության հետ կապված ծառայություններ

· Սանատոր-առողջարանային բուժում

· Անպտղություն, սեռական ֆունկցիայի խանգարում և էրեկտիլ դիսֆունկցիա (իմպոտենցիա), սեռական հորմոնալ դիսֆունկցիա, դաշտանային ցիկլի խանգարում, այդ թվում՝ դրանց բացահայտմանն ուղղված հետազոտություններ

· Հակաբեղմնավորում, արհեստական բեղմնավորում,  հակաբեղմնավորիչ կոնսերվատիվ միջամտություն, այդ թվում` ՆԱՄ-ի տեղադրում և հեռացում  

· ՄԻԱՎ, ՁԻԱՀ, սեռական վարակներ, այդ թվում՝ առավելապես սեռական ճանապարհով փոխանցվող վարակներ, սեռական օրգանների սնկային հիվանդություններ

· Քրոնիկական վիրուսակրության, բացիլակրության, դիսբակտերիոզի և պարազիտակրության համար նախատեսված հետազոտություններ և բուժում

· Հեպատիտ B, C, D և E, այդ թվում՝ դրանց բացահայտմանն ուղղված հետազոտություններ, լյարդի ցիռոզ, լյարդային անբավարարություն, քրոնիկ երիկամային անբավարարություն

· Հատուկ վտանգավոր վարակներ (օսպա, ժանտախտ, խոլերա, տիֆ, վիրուսային հեմոռագիկ տենդեր) 

· ՀՀ իրավասու մարմնի կողմից հայտարարված համաճարակներ և դրանց տարածքից ներմուծված վարակներ

· Տեսողության սրության վիրահատական շտկում

· ճառագայթային հիվանդություններ

· Տուբերկուլյոզ

· Մաստոպաթիա

· Մաշկային հիվադություններ, մաշկի, եղունգների սնկային ախտահարում

· Վիտամինաթերապիա, կենսաակտիվ հավելումներ, հոմեոպատիկ դեղամիջոցներ, կոսմետիկ միջոցներ, խոտաբույսեր, տարբեր ծագման յուղեր, կոսմետիկ պարագաներ

· Էնդոպրոթեզավորում, բացառությամբ՝ դժբախտ պատահարի հետևանքների, երբ չկա այլընտրանքային բուժում

· Օրգանների փոխպատվաստում

· Պրոթեզներ, իմպլանտներ, հարմարանքներ

· Պլաստիկ և կոսմետիկ նպատակով իրականացվող վիրաբուժություն, բացառությամբ՝  դժբախտ պատահարի հետևանքների, մաշկի հիվանդության և դրա բարդացումների հետ կապված իրականացվող պլաստիկ և վերականգնողական վիրահատության

· Քթի միջնապատի թեքվածության և դրա բարդության հետ կապված վիրահատություններ, բացառությամբ՝ դժբախտ պատահարի հետևանքով առաջացածից

· Հակաօրինական գործողությունների արդյունքում առաջացած վնասվածք կամ հիվանդություն

· Ֆորս-մաժորային հանգամանքի հետևանքով առաջացած հիվանդություն:

Առավել մանրամասն տես ստորև Ծրագրում և Կանոններում  («Կարևոր փաստաթղթեր» բաժնում)։

ArmMED կամավոր ապահովագրության ծրագրի դեպքում ապահովագրավճարը կախված է ընտրված փաթեթից և ապահովագրվող անձանց թվաքանակից.

ArmMED ապահովագրության պայմանագիր կնքելու համար անհրաժեշտ  է ներկայացնել՝

• գրավոր դիմում

• ապահովադրի անձը հաստատող փաստաթուղթ և ՀԾՀ (իրավաբանական անձի դեպքում՝ պետական գրանցման վկայական, ՀՎՀՀ, գործունեության հասցե, կնիք, բանկային հաշվի համար), հեռախոսահամար

• ապահովագրված անձանց անձը հաստատող փաստաթուղթ և ՀԾՀ 

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովագրական պատահար տեղի ունենալու դեպքում անհրաժեշտ է զանգահարել գլխավոր գրասենյակ 011 560404 կամ 012 560404 շուրջօրյա գործող հեռախոսահամարով և ընկերության բժիշկ-փորձագետներին հայտնել Ապահովագրված անձի անուն, ազգանունը, ապահովագրական քարտի համարը, գանգատները, դրանց առաջացման ժամկետը, Ապահովագրված անձի նախընտրած բժշկական կենտրոնը մեր ընկերության կողմից տրամադրված ցանկից, եթե այդպիսին առկա է:

Տարբերակ 1․ Հատուցման կազմակերպում ԱՐՄԵՆԻԱ ԻՆՇՈՒՐԱՆՍԻ գործընկեր բժշկական հաստատությունում  (տես ցանկը "ԳՈՐԾԸՆԿԵՐՆԵՐ" էջում)

   Քայլ 1․ Նախապես զանգահարեք ԱՐՄԵՆԻԱ ԻՆՇՈՒՐԱՆՍԻՆ 011/012 56 04 04 հեռախոսահամարով և հայտնեք`

• ապահովագրված անձի անունը, ազգանունը

• ապահովագրական քարտի համարը

• գանգատները, դրանց առաջացման ժամկետը

• նախընտրած բժշկական հաստատությունը ԱՐՄԵՆԻԱ ԻՆՇՈՒՐԱՆՍԻ գործընկերների ցանկից (տես «ԳՈՐԾԸՆԿԵՐՆԵՐ» էջում)։

Մեր մասնագետները կգրանցեն ձեր հայտը, կբացեն ապահովագրված անձի համար հայտ համապատասխան բժշկական հաստատությունում ՝ հայտնելով Ձեզ այցելության հստակ օրն ու ժամը։ 

Եթե հատուցման ենթակա բոլոր բժշկական ծառայություններն մատուցվել են գործընկեր բուժհաստատության կողմից և դրանց համար ապահովագրված անձն ինքնուրույն գումարներ չի վճարվել, ապա հատուցումը կատարվում է անմիջապես ծառայություն մատուցած բուժհաստատությանը և ապահովագրված անձը չունի հավելյալ փաստաթղթեր ներկայացնելու պարտականություն։

Եթե ապահովագրված անձի կողմից կատարվել են ինքնուրույն վճարումներ, ապա հատուցումն իրականացվում է Տարբերակ 2-ի Քայլեր 2-4-ում սահմանված կարգով։

Տարբերակ 2․ Հատուցման կազմակերպում ԱՐՄԵՆԻԱ ԻՆՇՈՒՐԱՆՍԻ գործընկեր չհանդիսացող բժշկական հաստատությունում

   Քայլ 1․ Նախապես զանգահարեք ԱՐՄԵՆԻԱ ԻՆՇՈՒՐԱՆՍԻՆ 011/012 56 04 04 հեռախոսահամարով և հայտնեք` 

• ապահովագրված անձի անունը, ազգանունը

• ապահովագրական վկայագրի համարը

• գանգատները, դրանց առաջացման ժամկետը

• նախընտրած բժշկական հաստատությունը և բուժող բժշկի տվյալները։

   Քայլ 2․ Հատուցման ենթակա բժշկական ծառայություններ ստանալուց հետո 1 ամսվա ընթացքում անհրաժեշտ է՝

• այցելել ԱՐՄԵՆԻԱ ԻՆՇՈՒՐԱՆՍԻ գրասենյակ՝ ապահովագրական հատուցման մասին դիմում-հայտարարություն լրացնելու համար, կամ

• ինքնուրույն լրացնել և ստորագրել համապատասխան ապահովագրական հատուցման մասին դիմում-հայտ և ուղարկել medical@armeniainsurance.am էլեկտրոնային փոստի հասցեին՝ կից փաստաթղթերի հետ հանդերձ։

   Քայլ 3․ Ներկայացնել ստացված բժշկական ծառայությունների վերաբերյալ հետևյալ բժշկական և ֆինանսական փաստաթղթերը․

• բժշկական հիմնավորում

   - Արտահիվանդանոցային պայմաններում բժշկական օգնության դեպքում՝

        - ամբուլատոր քարտից քաղվածք և(կամ)

        - բժշկական տեղեկանք և(կամ)

        - կոնսուլտացիոն թերթիկ և(կամ)

        - բժշկի եզրակացություն

   - Հիվանդանոցային պայմաններում բժշկական օգնության դեպքում՝

        - ստացիոնար քարտից քաղվածք, կամ

        - էպիկրիզ

        - պարակլինիկական հետազոտությունների պատասխաններ (անհրաժեշտության դեպքում)

• ֆինանսական հիմնավորում (եթե ծախսը կատարվել է Ապահովագրված անձի կողմից)`

        - հաշիվ-պահանջագիր, կամ

        - դրամարկղային ֆիսկալային կտրոն, կամ

        - դրամարկղի մուտքի օրդեր (կանխիկ վճարման դեպքում), կամ

        - ՀԴՄ կտրոն համապատասխան հաշիվ-ապրանքագրով

        - բուժհաստատության կողմից համապատասխան ձևաթղթի վրա տրված տեղեկանք, որը հաստատվում (կնքված) է բուժհաստատության կողմից և հավաստում է բժշկական ծախսերի չափը։

   Քայլ 4․ Դիմում-հայտարարությունը և բոլոր անհրաժեշտ փաստաթղթերը ներկայացնելուց հետո առավելագույնը 7 աշխատանքային օրվա ընթացքում ԱՐՄԵՆԻԱ ԻՆՇՈՒՐԱՆՍԻ կողմից տրվում է հատուցման կամ մերժման եզրակացություն, և դրական եզրակացության դեպքում ամսաթվից 7 աշխատանքային օրվա ընթացքում կատարվում է վճարում:

Վճարումը կատարվում է Ապահովագրված անձի բանկային հաշվեհամարին։

Ավելի մանրամասն տես ստորև Ծրագրում և Կանոններում («Կարևոր փաստաթղթեր» բաժնում)։