Կրիտիկական հիվանդություններից ապահովագրության շրջանակներում հատուցումը վճարվում է ապահովագրված անձանց մոտ կրիտիկական հիվանդություն ախտորոշելու դեպքում։

Կրիտիկական հիվանդություն են համարվում՝

• քաղցկեղի հիմնական տեսակները` ներառյալ գլխուղեղային ուռուցքը

• երիկամների ֆունկցիաների անդարձելի խանգարումը

• կենսականորեն կարևոր օրգանների փոխպատվաստումը (երբ առկա է բժշկական հստակ ախտորոշում և ցուցում տրանսպլանտացիայի իրականացման համար)

• ցրված սկլերոզը, որն ուղեկցվում է  մշտական ախտանշաններով

• անդամալուծությունը

• կուրությունը

• աորտայի վիրաբուժությունը (ապահովագրական գումարի 50%-ի չափով)

• կորոնար շունտավորումը (ապահովագրական գումարի 50%-ի չափով)

• միոկարդի ինֆարկտը (ապահովագրական գումարի 50%-ի չափով)

• սրտի փականի փոխպատվաստումը (երբ առկա է բժշկական հստակ ախտորոշում և ցուցում փոխպատվաստում իրականացնելու համար)

• ինսուլտը։

Առավել մանրամասն տես ստորև Կանոններում («Կարևոր փաստաթղթեր» բաժնում)։

Կրիտիկական հիվանդություններից ապահովագրության պայմանագիր կնքելու համար  անհրաժեշտ է՝

• ներկայացնել բանավոր կամ գրավոր դիմում ԱՐՄԵՆԻԱ ԻՆՇՈՒՐԱՆՍԻՆ:

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։ Անհրաժեշտությունից ելնելով՝ ապահովագրողը կարող է պահանջել ապահովագրվող անձից լրացնել իր առողջական վիճակի մասին հարցաթերթիկ կամ անցնել բժշկական նախնական զննում/հետազոտություններ:

Ապահովագրական պատահար տեղի ունենալու դեպքում պետք է՝

• զանգահարել 011 560404 կամ 012 560404 շուրջօրյա գործող հեռախոսահամարներով և հետևել մասնագետի հրահանգներին

• 30 օրվա ընթացքում, ԱՐՄԵՆԻԱ ԻՆՇՈՒՐԱՆՍԻ տեղեկացնել ախտորոշման մասին, որը կարող է հիմք հանդիսանալ պայմանագրի ներքո ապահովագրական հատուցման պահանջ ներկայացնելու համար

• 60 աշխատանքային օրվա ընթացքում ներկայացնել մանրամասն բժշկական եզրակացություն կրիտիկական հիվանդության / բժշկական դեպքի առաջացման և պատճառի մասին։

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում անհրաժեշտ է  դիմում ներկայացնել ԱՐՄԵՆԻԱ ԻՆՇՈՒՐԱՆՍԻՆ, որից հետո կորցրած տարբերակը կհամարվի անվավեր և ողջամիտ ժամկետում կտրամադրվի կրկնօրինակը։