Առողջության կամավոր ապահովագրության շրջանակներում հատուցվում է առողջության ապահովագրության ընտրված փաթեթով նախատեսված բժշկական օգնությունը։

Առողջության ապահովագրության փաթեթը կցվում է ապահովագրության պայմանագրին հավելվածի տեսքով և հանդիսանում պայմանագրի անբաժանելի մասը։

Բոլոր փաթեթների շրջանակներում հատուցման ենթակա են սուր և անհետաձգելի դեպքերում ախտորոշման և բուժման ընթացքի վերահսկման նպատակով իրականացվող հետևյալ հետազոտությունները․

- լաբորատոր հետազոտություններ`
   • կլինիկական
   • կենսաքիմիական
   • իմունաբանական
   • մանրէաբանական
   • հորմոնալ
   • գենետիկ
   • պաթոհիստոլոգիական
   • PCR և այլն:

- գործիքային հետազոտություններ`
   • ռենտգենաբանական
   • համակարգչային տոմոգրաֆիա (եթե հետազոտության մյուս մեթոդները արդյունավետ չեն հիվանդության ախտորոշման համար)
   • մագնիսառեզոնանսային տոմոգրաֆիա (եթե հետազոտության մյուս մեթոդները արդյունավետ չեն հիվանդության ախտորոշման համար)
   • ուլտրաձայնային
   • ռադիոիզոտոպային
   • ֆունկցիոնալ (ԷՍԳ, էլեկտրոմիոգրաֆիա, սպիրոգրաֆիա, դոպլեր, դուպլեքս և այլն)
   • էնդոսկոպիկ (էզոֆագոգաստրոդուոդենոսկոպիա, կոլոնոսկոպիա, ցիստոսկոպիա և այլն)
   • նեյրոֆիզիոլոգիական (ԷԷԳ, աուդիոմետրիա և այլն):

Առավել մանրամասն տես ստորև Կանոններում  («Կարևոր փաստաթղթեր» բաժնում)։

Առողջության կամավոր ապահովագրության շրջանակներում չեն հատուցվում հետևյալ բժշկական և այլ ծառայությունները, հիվանդությունները, և ծախսերը․

• ծառայություն, որը նախատեսված չէ ապահովագրության պայմանագրով և կից փաթեթով

• ծառայություն, որը կապված է ապահովագրված անձի կողմից իրեն միտումնավոր մարմնական վնասվածքների հասցման, ինքնասպանության փորձի հետ, բացառությամբ՝ երբ անձը բերվել էր այդպիսի վիճակի երրորդ անձանց հակաիրավական գործողությունների հետևանքով

• ծառայություն, որը կապված է մինչև պայմանագրի կնքումը հայտնաբերված և առկա վիճակների հետ

• բուժման և հետազոտության ծախս, որն իրականացվել է տվյալ գանգատի և հիվանդության համար ոչ մասնագիտացված բժշկի կողմից 

• ծախս, որն իրականացվել է փորձնական կամ ոչ հաստատված մեթոդներով բուժման վրա

• քրոնիկ հիվանդությունների մշտական, պահպանողական բուժում, դինամիկ հսկողություն, պլանային վիրահատական բուժում, քրոնիկ հիվանդությունների բուժման համար նախատեսված դեղորայք, բացառությամբ կյանքին էական վտանգ սպառնացող դրանց սրացումների

• պետական պատվերի շրջանակներում սպասարկվող հիվանդություններ ու վիճակներ

• թոքերի քրոնիկ ոչ յուրահատուկ հիվանդություններ` թոքերի էմֆիզեմա, պնևմոսկլերոզ և այլն

• բնածին անոմալիաներ և զարգացման արատներ կամ անատոմիական առանձնահատկություններ, ժառանգական և գենետիկ հիվանդություններ` պարբերական հիվանդություն, էպիլեպսիա, դեֆորմացիաներ և քրոմոսոմային խանգարումներ, մանկական ուղեղային պարալիչ

• ողնաշարի միջողնային սկավառակների ախտահարումներ, դեգեներատիվ դիստրոֆիկ փոփոխություններ, ողնաշարի ճողվածքներ, օստեոխոնդրոզ, օստեոպենիա, օստեոպորոզ, սկոլիոզ, կիֆոզ

• արտահայտված էնդոկրինոպաթիաներ, հանգուցավոր խպիպ, շաքարային դիաբետ և դրա հետևանքներ

• աորտա-կորոնար շունտավորում և ստենտավորում պայմանավորված անոթի մինչև 70% նեղացումով, նյարդավիրաբուժական միջամտություններ լազերային եղանակով

• հեմոդիալիզի անցկացում պահանջող քրոնիկական երիկամային անբավարարություն

• աուտոիմուն և շարակցական հյուսվածքի համակարգային հիվանդություններ

• քաշի և խոսքի շտկում, սեռի վիրաբուժական փոփոխում

• կոսմետիկ, էսթետիկ կամ ապահովագրված անձի հոգեբանական վիճակը բարելավելու նպատակներով իրականացվող պլաստիկ և վերականգնողական վիրահատություններ, այդ թվում` մաշկային հիվանդության կապակցությամբ, քթի միջնապատի շտկում, դրանց բարդացումներ, բացառությամբ՝ դժբախտ պատահարի հետևանքով առաջացածների

• ոչ ավանդական, այլընտրանքային (ոչ գիտական) բուժման ու ախտորոշման մեթոդներ, փորձարարական կամ հետազոտական մեթոդներով բուժում, կազդուրման ավանդական համակարգեր, հեռաբժշկության հետ կապված ծառայություններ, ֆիզիոթերապիան և վերականգնողական բուժում, եթե նախատեսված չէ փաթեթի շրջանակներում

• սանատոր-առողջարանային բուժում

• ներարգանդային սերմնավորում և էքստրակորպորալ բեղմնավորում

• ռեպրոդուկտիվ (վերարտադրողական) ֆունկցիայի և էրեկտիլ դիսֆունկցիայի (իմպոտենցիա) հետ կապված հետազոտություններ և բուժում, հակաբեղմնավորիչ կոնսերվատիվ միջամտություններ, այդ թվում` ՆԱՊ-ի տեղադրում և հեռացում, դիսմենորեա, հակաբեղմնավորիչ միջոցներ, արհեստական բեղմնավորում, հղիության արհեստական ընդհատում, հորմոնալ դիսֆունկցիաների բուժում

• առավելապես սեռական ճանապարհով փոխանցվող հիվանդություններ և սեռական օրգանների սնկային ախտահարումներ (ախտորոշում և բուժում)

• քրոնիկական վիրուսակրություն, բացիլակրություն, պարազիտակրություն (հեպատիտ B, C, D, E, F), ախտորոշում և բուժում

• տեսողության սրության վիրահատական շտկում, ոչ հասուն կատարակտայի վիրահատական բուժում

• լյարդային անբավարարություն

• ՄԻԱՎ/ՁԻԱՀ

• ճառագայթային հիվանդություններ

• օրգանների և վերջույթների պրոթեզավորում, էնդոպրոթեզավորում, բժշկական սարքավորումներ, իմպլանտներ, մետաղական կոնստրուկցիաներ, լսողական սարքերի ձեռքբերում, ինչպես նաև այլ կարգավորիչ բժշկական հարմարանքներ ձեռք բերելու և դրանց հարմարեցման համար կատարված ծախսեր, հաշմանդամային սայլակներ, օրթոպեդիկ սարքեր և այլն, կենսաակտիվ հավելումներ, վիտամինաթերապիա, կոսմետիկ պարագաներ, սրտի արհեստական ռիթմավարներ, կարդիովերտեր-դեֆիբրիլյատորներ

• հոգեկան հիվանդություններ, դրանց հետևանքներ և սահմանային վիճակներ (նևրոզ, փսիխոպաթիա, փսիխոզ և այլն), հոգեթերապևտի ծառայություններ, հիպնոս

• ապահովագրված անձի կողմից բժշկի նշանակումներին չհետևելու կամ դրանցից հրաժարվելու հետևանքով առաջացած ծախսեր, առանց բժշկի ցուցումի և նշանակման իրականացված բժշկական ծառայություններ, դեղորայք, հոսպիտալացում

• ալկոհոլամոլություն, թմրամոլություն և թունամոլություն և դրանց հետևանքով առաջացած հիվանդություններ

• ապահովագրված անձի հակաօրինական գործողությունների արդյունքում առաջացած վնասվածքներ և հիվանդություններ

• երկրորդ և երրորդ աստիճանի քրոնիկական սրտային անբավարարությամբ բարդացած հիվանդություններ

• երկրորդ և երրորդ աստիճանի քրոնիկական կորոնար անբավարարություն

• երկրորդ և երրորդ աստիճանի քրոնիկական թոքային անբավարարությամբ բարդացած հիվանդություններ

• արտահայտված հետինսուլտային էնցեֆալոպաթիաներ

• տուբերկուլյոզ

• մաստոպաթիա (ախտորոշումից հետո)

• մաշկային հիվանդություններ, մաշկի, եղունգների սնկային ախտահարումներ (օնիխոմիկոզներ, էկզեմա, պսորիազ)

• ՀՀ դեղագործական վարչության կողմից չարտոնագրված դեղորայք

• պատվաստումներ

• ֆորս-մաժորի (միջուկային պայթյուն, ճառագայթային ռադիոակտիվ կամ քիմիական վարակ, ռազմական գործողություններ, քաղաքացիական պատերազմ, հասարակական հուզումներ կամ գործադուլների) հետևանքով առաջացած հիվանդություններ:

Առավել մանրամասն տես ստորև Կանոններում  («Կարևոր փաստաթղթեր» բաժնում)։

Առողջության կամավոր ապահովագրության պայմանագիր կնքելու համար  անհրաժեշտ են՝

• բանավոր հայտարարություն կամ գրավոր դիմում

• ապահովադրի անձը հաստատող փաստաթուղթ և ՀԾՀ (իրավաբանական անձի դեպքում՝ պետական գրանցման վկայական, ՀՎՀՀ, գործունեության հասցե, կնիք, բանկային հաշվի համար), հեռախոսահամար

• շահառու(ներ)ի անձը հաստատող փաստաթուղթ և ՀԾՀ 

Ելնելով տարաբնույթ հանգամանքներից կարող են պահանջվել լրացուցիչ փաստաթղթեր և տեղեկատվություն։

Ապահովագրական պատահար տեղի ունենալու դեպքում պետք է․

- անհետաձգելի դեպքերում՝ 

• անմիջապես, բայց ոչ ուշ քան 24 ժամվա ընթացքում ԱՐՄԵՆԻԱ ԻՆՇՈՒՐԱՆՍ ԱՍՊԸ-ին տեղյակ պահել ախտորոշում կամ բուժում պահանջող Ձեր առողջական վիճակի մասին՝ զանգահարելով 011 560404 կամ 012 560404 հեռախոսահամարով կամ ուղարկելով հաղորդագրություն medical@armeniainsurance.am  էլեկտրոնային հասցեով:

- պլանային և/կամ հետաձգելի ծառայությունների ստացման դեպքերում՝ 

• անձամբ կամ բժշկական հաստատության միջոցով նախապես դիմել ԱՐՄԵՆԻԱ ԻՆՇՈՒՐԱՆՍԻՆ որակյալ բժշկական սպասարկում կազմակերպելու և վերահսկելու համար՝ վերոհիշյալ հեռախոսահամարներով կամ էլ․փոստով

• բժշկական ծառայությունների ստացման պահից (ավարտից) մեկ ամսվա ընթացքում, ԱՐՄԵՆԻԱ ԻՆՇՈՒՐԱՆՍ ԱՍՊԸ ներկայացնել գրավոր դիմում` նշելով դիմումի տրման պահին ապահովագրական դեպքի վերաբերյալ հայտնի բոլոր տեղեկությունները և հաստատող փաստաթղթերը, այդ թվում․

Բժշկական հիմնավորում`

 * բժշկական տեղեկանք (կազմակերպության կնիքով), կամ

 * խորհրդատվական եզրակացություն (կազմակերպության կնիքով), կամ

 * քաղվածք ամբուլատոր քարտից (կազմակերպության կնիքով), կամ

 * էպիկրիզ (կազմակերպության կնիքով),

 * պարակլինիկական հետազոտությունների պատասխաններ (անհրաժեշտության դեպքում):

Ծախսերը հաստատող փաստաթղթեր, եթե իրականացվել են ապահովադրի կողմից ինքնուրույնորեն`

  * հաշիվ-պահանջագիր (կազմակերպության կնիքով), կամ

  * դրամարկղային ֆիսկալային կտրոն կամ դրամարկղի մուտքի օրդեր (կանխիկ վճարման դեպքում, կազմակերպության կնիքով)

  * բուժհաստատության կողմից համապատասխան ձևաթղթի վրա տրված տեղեկանք, որը հաստատված (կնքված) է բուժհաստատության կողմից և հավաստում է բժշկական ծախսի չափը:

Վնասվածքների և երրորդ անձանց մասնակցությամբ դեպքում` 

  * համապատասխան դեպքը ֆիքսող լիազոր մարմնի եզրակացություն:

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում անհրաժեշտ է  դիմում ներկայացնել ԱՐՄԵՆԻԱ ԻՆՇՈՒՐԱՆՍԻՆ, որից հետո կորցրած տարբերակը կհամարվի անվավեր և ողջամիտ ժամկետում կտրամադրվի կրկնօրինակը։ 

Ամբուլատոր և ստացիոնար բոլոր բժշկական ծառայությունների համար, բացառությամբ՝ կանխարգելիչ բժշկական զննման, կարող եք դիմել ԱՐՄԵՆԻԱ ԻՆՇՈՒՐԱՆՍԻ գործընկեր հանդիսացող 200-ից ավել բժշկական հաստատություններ։ Տես ցանկը՝ «ԳՈՐԾԸՆԿԵՐՆԵՐ» էջում։ 

Իսկ կանխարգելիչ բժշկական զննումն անց է կացվում հետևյալ բժշկական կենտրոններում․

1.      Աջափնյակ բժշկական կենտրոն – ք. Երևան, Աբելյան 8/1

2.      Դալիմեդ բժշկական կենտրոն – ք. Երևան, Լեոյի 1

3.      Դավիդյանց պոլիկլինիկա – ք. Երևան, Դավիթաշեն, 4-րդ թաղամաս, 33/3

4.      էլիտ-մեդ բժշկական կենտրոն – ք. Երևան, Հ.Հակոբյան 3/15

5.      Թիվ 4 պոլիկլինիկա – ք. Երևան, Մոսկովյան 13

6.      Կապանի բժշկական կենտրոն - Սյունիքի մարզ, ք. Կապան, Մելիք-Ստեփանյան 13

7.      Կրիոգեն Կլինիկա բժշկական կենտրոն – ք. Երևան, Վ.Փափազյան 29

8.      Մեդէքսպրեսս բժշկական կենտրոն – ք. Երևան, Վ.Վաղարշյան 22

9.      Մեդլայն Կլինիկ բժշկական կենտրոն – ք. Երևան, Ռոստովյան 17/1

10.    Մեղրու տարածաշրջանային բժշկական կենտրոն - Սյունիքի մարզ, ք. Մեղրի Գործարարների 42

11.    Մեփլ Լիֆս հայ-կանադական բժշկական կլինիկա – ք. Երևան, Արմենակյան 129

12.    Շենգավիթ բժշկական կենտրոն – ք. Երևան, Մանանդյան 9

13.    Ռոյալ Կլինիկ ՍՊԸ - ք. Երևան, Ավան Սայաթ-Նովա թաղ․ 8

14.    Վարդանանց բժշկական կենտրոնի «Քոչար» մ/ճ - ք. Երևան, Հ.Քոչարի 35/1