Կորոնավիրուսից ապահովագրության շրջանակներում չեն հատուցվում  հետևյալ ծախսերը՝

• մինչև COVID-19 ախտորոշումն իրականացված ախտորոշման և բուժման ծախսեր

• COVID-19-ի դեպքում պարտադիր չհանդիսացող ախտորոշման և բուժման ծախսեր

• ապահովագրված անձի մահանալուց հետո՝ նրա մոտ COVID-19 ախտորոշման ծախսեր

• քաղաքացիական հուզումների, պատերազմների, զորաշարժերի կամ ռազմական այլ գործողությունների, ահաբեկչական գործողությունների, զանգվածային ակցիաների, գործադուլների կամ զանգվածային այլ միջոցառումների ուղղակի կամ անուղղակի մասնակցությունից հետո ախտորոշված COVID-19 հիվանդության ախտորոշման և բուժման ծախսեր

• շաքարային դիաբետի, օնկոլոգիական հիվանդությունների, իմունային անբավարարության վիճակների, հեպատիտների, սիրտ անոթային համակարգի, հիպերտոնիկ հիվանդության կամ այլ քրոնիկական հիվանդությունների և վիճակների, ինչպես նաև դրանց հետևանքների հետ զուգակցված COVID-19 հիվանդության ախտորոշման և բուժման ծախսեր

• Հայաստանի Հանրապետություն կամ այն տարածքներ, որտեղ Ապահովագրված անձը հանդիսանում է քաղաքացի կամ ռեզիդենտ, վերադառնալուց հետո կատարված ծախսե

• առողջական խանգարումները չբուժելու, բժշկի ցուցումներին չհետևելու, բուժող բժշկի չնշանակած կամ նշանակածից ավել դեղորայք ընդունելու, ինչպես նաև առաջացած վնասվածքների բուժումից հրաժարվելու կամ բուժումն ուշացնելու պատճառով առաջացած հիվանդության և(կամ) վիճակների ախտորոշման և բուժման ծախսեր

• առանց բժշկի ցուցման իրականացված ընդհանուր բուժզննումների, խորհրդատվությունների և դեղորայքի հետ կապված ծախսեր, ոչ ավանդական բժշկական բուժման ծախսեր

• կենսաակտիվ հավելումների, վիտամինոմոնոթերապիայի, կոսմետիկ և հիգիենայի պարագաների և այլ COVID-19 բուժման համար պարտադիր չհանդիսացող դեղորայքի և պարագաների հետ կապված ծախսեր

• պլանային կարգով և դինամիկ հսկողության նպատակով իրականացվող հետազոտությունների հետ կապված ծախսեր

• հոգեբանական վիճակը բարելավելու նպատակով կատարված կամ կանխարգելիչ հետազոտման, բուժման կամ միջամտության ծախսեր

• ալկոհոլամոլության, թմրամոլության և թունամոլության, ինչպես նաև ալկոհոլի և(կամ) թմրադեղերի, և(կամ) հոգեմետ ու այլ տոքսիկ նյութերի և(կամ) թունաքիմիկատների օգտագործման հետ զուգակցված COVID-19 ախտորոշման և բուժման ծախսեր

• հանգստավայրերում, առողջարանային համալիրներում, հանգստյան տներում և հյուրանոցներում իրականացված ծախսեր

• մինչ պայմանագիր կնքելն առկա հիվանդության, առողջական վիճակների և խանգարումների հետ զուգակցված COVID-19 ախտորոշման և բուժման ծախսեր

• հիվանդանոցային և արտահիվանդանոցային ձևով իրականացվող այն հետազոտությունների ծախսեր, որոնց չի հաջորդում COVID-19 հիվանդանոցային բուժում

• լրացուցիչ հարմարությունների հետ կապված ծախսեր, այդ թվում` հարմարավետ հիվանդասենյակի, հիվանդասենյակային հեռուստացույցի, օդորակչի, հեռախոսի, թարգմանչի, մերսման, վարսահարդարման և այլ ծախսեր

• ծախսեր, որոնք իրականացվել են չլիցենզավորված բժշկական հաստատության կամ չլիցենզավորված բժշկի ծառայություններից օգտվելու ժամանակ, կամ նրանց կարգադրությամբ կամ խորհրդով

• խնամողների՝ բարեկամների, հարազատների համար կատարված ծախսեր:

Հատուցում չի իրականացվում նաև, եթե՝

• պայմանագիրը կնքելու պահին ապահովադիրը հայտնել է ապահովագրական ռիսկի վրա ազդեցություն ունեցող կեղծ տեղեկություններ, կամ  պայմանագրի գործողության ընթացքում տեղի է ունեցել ռիսկի բարձրացում, որի մասին նա չի տեղեկացվել ապահովագրողին

• ապահովագրական պատահարի հետևանքով առաջացած վնասի չափը գերազանցել է ապահովագրական գումարը (գերազանցող մասով)։

Ավելի մանրամասն տես՝ ստորև Կանոններում  («Կարևոր փաստաթղթեր» բաժնում)։

Կորոնավիրուսից ապահովագրության դեպքում հատուցման առավելագույն չափը (ապահովագրական գումարը) սահմանվում է պայմանագրով՝ կողմերի փոխհամաձայնությամբ։ Ընդ որում՝ 

• մեկ ապահովագրական պատահարի դեպքում ընդհանուր ծախսերի հատուցման գումարը չի կարող գերազանցել 5․000 պ/մ

• առանց ապահովագրողի կամ սերվիսային ընկերության կարգադրության, ապահովագրված անձի կողմից ինքնուրույն կատարված ծախսերը հատուցվում են առավելագույնը 150 պ/մ չափով
• ԱՄՆ և Կանադայի կլինիկաներում ամբուլատոր հետազոտությունները ենթակա են հատուցման առավելագույնը 1․000 պ/մ չափով, եթե այդ հետազոտությունների արդյունքում պարզվում է COVID-19 առկայության փաստը, բացառությամբ Կանոնների 6.5 կետով սահմանված դեպքերի:

Պայմանական միավոր (պ/մ) հմարվում է 1 եվրոյին համարժեք ՀՀ դրամը՝ Շենգենյան երկրների դեպքում, և 1 ԱՄՆ դոլարին համարժեք ՀՀ դրամը՝ ոչ Շենգենյան երկրների դեպքում:

Ապահովագրական պատահարից հետո 3-ամսյա ժամկետում պետք է ներկայացնել դիմում (տես ձևը ստորև՝ «Կարևոր փաստաթղթեր» բաժնում) և անհրաժեշտ փաստաթղթերը, այդ թվում՝

• ապահովագրական պայմանագրի բնօրինակը (եթե պահանջվել է ապահովագրողի կողմից)

• ապահովադրի անձնագիրը, իսկ իրավաբանական անձի դեպքում՝ պետական գրանցման վկայականը և դրա ներդիրները

• ապահովագրված անձի անձնագիրը

• ապահովագրական պատահարի վերաբերյալ իրավասու մարմինների կողմից տրված և հաստատված համապատասխան փաստաթղթերը, բժշկի նշանակած դեղորայքի ցանկն իր գներով, առողջական վիճակի մասին հաստատած տեղեկանքը, նշանակված ցուցումները, ինչպես նաև հաստատված փաստաթուղթ, որը հավաստում է ապահովագրված անձի կողմից բժշկին (բժշկական հաստատությանը) դիմելու փաստը և ամսաթիվը,  մատուցված ծառայությունները, բուժման տևողությունը, ապահովագրվելուց հետո COVID-19 ՊՇՌ հետազոտության պատասխանը

• ապահովագրողի պահանջով՝ այլ հիմնավորող փաստաթղթեր

• ապահովագրված անձի մահվան դեպքում, եթե աճյունի տեղափոխումը իրականացվել է ոչ ապահովագրողի կամ Սերվիսային ընկերության կողմից՝

   - ապահովագրված անձի մահվան վկայականի բնօրինակը կամ նոտարի հաստատած պատճենը

   - մահվան պատճառների վերաբերյալ բժշկական տեղեկանքը (վկայականը)

   - ապահովագրվելուց հետո՝ մինչև մահը կատարված COVID-19 ՊՇՌ հետազոտության պատասխանը, որով հաստատվել է հիվանդության առկայությունը,

   - ժառանգության իրավունքը հավաստող փաստաթուղթը կամ դրա պատճենը,

   - այնպիսի փաստաթղթեր և տեղեկատվություն, որոնք ուղղակի կապ ունեն տեղի ունեցած պատահարի հետ կամ կարևոր են վնասի պատճառների և (կամ) չափի հիմնավորման համար:

Ապահովագրական հատուցումը վճարվում է դիմումը և բոլոր փաստաթղթերը ստանալուց հետո՝ առավելագույնը 10 աշխատանքային օրվա ընթացքում:

Աջակցության ապահովագրության պայմանագրի շրջանակներում ապահովագրական հատուցումն իրականացվում է դրամական փոխհատուցմամբ՝ գումարի փոխանցումով ստացողի բանկային հաշվին։

Ավելի մանրամասն տես՝ ստորև Կանոններում  («Կարևոր փաստաթղթեր» բաժնում)

Ապահովագրության պայմանագիրը, վկայագիրը կամ ապահովագրական քարտը կորցնելու դեպքում` ապահովադիրն իրավունք ունի դիմումի հիման վրա ստանալ կրկնօրինակը։ Ապահովադրի դիմումի հիման վրա Ապահովագրողը ողջամիտ ժամկետում տալիս է կրկնօրինակը, որից հետո կորցրած օրինակը համարվում է անվավեր:

Մեծածավալ աշխատանքների դեպքում ապահովադրից կարող է գանձվել կրկնօրինակի պատրաստման և ձևակերպման համար կատարված ծախսերի գումար: